მეტყველების დარღვევა - ბავშვთა ასაკის დაავადებები

კითხვა: ჩემი შვილიშვილი სამი წლის ხდება და არ ლაპარაკობს. სმენით ესმის ყველაფერი. იშვიათად იტყვის რაღაც სიტყვას თუ არავინ არ უყურებს. თუ ვეტყვით რომ გაიმეოროს თავს აქნევს და აღარ იმეორებს. რა შეიძლება იყოს მიზეზი და იქნებ მირჩიოთ რომელ სპეციალისტთან მივიყვანოთ.
პასუხი:

მოგესალმებით,
მეტყველების განვითარების ყველაზე აქტიური პროცესი 3-დან 6 წლამდეა და დარღვევებიც, ძირითადად სწორედ ამ დროს ვლინდება.
არსებობს რამდენიმე სახის სამეტყველო დარღვევა, მაგალითად:

  • ლოგონევროზი;
  • ტაქილალია;
  • ექოლალია;
  • ბრადილალია და ა.შ.

ამასთან, ერთმანეთისგან უნდა გაიმიჯნოს ორი ცნება: მეტყველების განუვითარებლობა–ჩამორჩენა და მეტყველების დარღვევა.
ეს ყოველთვის პათოლოგიურ მდგომარეობას არ ნიშნავს, თუმცა მაინც აუცილებელია პატარა აჩვენოთ სპეციალისტს.
უნდა დადგინდეს პრობლემის მიზეზი, რადგან შეიძლება, მხოლოდ მეტყველების შეფერხებაა და საგანგაშო არაფერია, მაგრამ შეიძლება ამ დროს აუტიზმისთვის დამახასიათებელმა პირველმა ნიშნებმაც იჩინოს თავი.
უნდა მიმართოთ ნეიროფსიქოლოგს ან მეტყველების თერაპევტს , ბავშვთა ასაკობრივ კლინიკაში.


„ქირურგიის ეროვნული ცენტრი“ ემსახურება 15 წლის და მეტი ასაკის მქონე პაციენტებს, აქედან გამომდინარე, ამ ეტაპზე ვერ დაგეხმარებით.

ქირურგიის ეროვნული ცენტრის სახელით გისურვებთ ჯანმრთელობას!

გამოაგზავნეთ შეკითხვა