კითხვა: გამარჯობა, მედგა ჰოლტერი , ასევე ექოკრდიოგრაფიაც გავიკეთე რის შემდეგადაც ექიმმა მითხრა რომ გული არ მაწუხებს . თუმცა არითმიებისათვის გამომიწერა ბეტალოკ ზოკი რომელსაც დრო გამოშვებით ვსვამ საჭიროებიდან გამომდინარე, თუმცა ის სიმპტომები არაფრით არ მომეხსნა , ზოგჯერ გულის არეში ვგრძნობ ტკივილს, წამიერს ეს ტკივილი არ არის დამოკიდებული ფიზიკურ აქტივობაზე . . ადგომისას და სიარულისას კი თვალებში მებინდებასავით და მაბარბაცებს . დახურულ სივრცეში პატარა მოძრაობაზეც კი მახურებს და ოფლი მასხამს (გული მიწუხდება) . თქვენი აზრით ღირს რომ გადავამოწმო კარდიოლოგიის მხრივ სხვა ექიმთან ეს დიაგნოზი თუ სხვა სპეციალობის ექიმს მივმართო ან ვის კონკრეტულად . მადლობა წინასწარ .
პასუხი:
მოგესალმებით,
ზოგადად, გულის რიტმის დარღვევა იმდენად რთული და მრავლისმომცველი საკითხია, რომ ცალკე დარგად – არითმოლოგიად არის გამოყოფილი.
არითმია ზოგჯერ სავსებით კეთილთვისებიანია და მკურნალობა არ სჭირდება.
გარდა გულ-სისხლძარღვთა პათოლოგიისა, გულის რიტმის დარღვევა შესაძლოა გამოიწვიოს ან ხელი შეუწყოს შემდეგმა პათოლოგიებმა:
- ფარისებრი ჯირკვლის პათოლოგია;
- შაქრიანი დიაბეტი;
- ზოგიერთი მედიკამენტი (გაციების, სურდოს, ხველის საწინააღმდეგო პრეპარატი);
- კოფეინი;
- ნიკოტინი;
- ალკოჰოლი და ა.შ.
თუ ამ მიზეზთაგან ყველა გამოირიცხება, ამ შემთხვევაში გულის რითმის იდიოპათიურ მოშლაზე ვსაუბრობთ.
მობრძანდით ჩვენს კლინიკაში კარდიოლოგთან კონსულტაციაზე, რომელიც შეკრებს ანამნეზს, ობიექტურად შეაფასებს თქვენს მდგომარეობას, დანიშნავს საჭირო კვლევებს, ამის შემდეგ კი, მოგახსენებთ არითმიის გამომწვევ ზუსტ მიზეზებსა და მკურნალობის ინდივიდუალურ მეთოდზე.
თუ გადაწყვეტთ ვიზიტს, სასურველია, თან იქონიოთ ჩატარებული გამოკვლევების პასუხები.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/22
სხვა დამატებითი ინოფრმაციისათვის დაგვიკავშირდით საკონტაქტო ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!
გამოაგზავნეთ შეკითხვა
