კარდიოფობია – გულის ნევროზი - ნევროლოგია

კითხვა: გამარჯობა ვარ 20 წლის გულზე ეს პერიოდია მაქვს ტკივილი უჰაერობა მოჭერა წიწკვნა გადავიღე ეხო კარდიოგრამა გული ჯამრთელია და მეუბნევიან ნერვოზის ბრალიაო ძან ემოციური ვარ და მგონია ან ინდაქტი ან რამე დამემართება ექიმებმა კი ყველაფერი წესრიგშია გული ჯამრთელიაო მაგრამ მე მაინც ძან ვნერვიულობ თვების წი ნ მქონდა თავის ტკივილი თავბრუსხვევა ეხლა კი ეს გული თვეზე მეტია ყოველ დღე ასე ვარ რას მირჩევთ
პასუხი:

მოგესალმებით,
თქვენი მონათხრობის მიხედვით თუ ვიმსჯელებთ, სავარაუდოდ საქმე ეხება კარდიოფობიას, რომელზეც შევეცდებით, მოგაწოდოთ ზოგადი ინფორმაცია.
გულის ნევროზი იგივე კარდიოფობია ხშირად დაკავშირებულია ისეთ ფაქტორებთან როგორებიცაა:

  • ნერვულ-ემოციური სტრესი;
  • გადაღლა;
  • აღელვება;
  • ქრონიკული ინფექცია;
  • ჰორმონული დარღვევები.

ასევე, გარკვეულ როლს ასრულებს მემკვიდრეობითი ფაქტორიც.
პაციენტს ამ დროს გამოხატული აქვს ზოგადი ხასიათის ჩივილები. ამასთანავე, დაავადებისთვის დამახასიათებელია ტკივილი, რომელიც უპირატესად აღინიშნება გულის არეში.
ხშირად აღენიშნება შემდეგი სიმპტომები:

  • გულის ფრიალი;
  • ოფლიანობა;
  • ფიზიკური სისუსტე;
  • დაღლილობის შეგრძნება.
  • შესაძლოა, განვითარდეს ჩივილები სხვა ორგანოების დისფუნქციასთან დაკავშირებით:
  • ყლაპვის გაძნელება;
  • ბოყინი;
  • ტკივილი მუცელის არეში;
  • შებერილობა;
  • ფაღარათი;
  • ხველა;
  • ტკივილი კიდურებში;
  • მოუსვენრობა;
  • შფოთვა;
  • შიში.

როგორც მოგვითხრობთ ჩატარებული გაქვთ კარდიოგრამა და კარდიოლოგიური პათოლოგიები გამოირიცხა. შესაბამისად გირჩევთ, მიმართოთ ნევროლოგს.
ამ მიზნით შეგიძლიათ, მობრძანდეთ ჩვენს კლინიკაში, სადაც მაღალკვალიფიციურ ექიმთა გუნდი გაგიწევთ დახმარებას.
თუ გადაწყვეტთ ვიზიტს სასურველია, რომ თან იქონიოთ ჩატარებული გამოკვლევების პასუხები.

სხვა დამატებითი ინფორმაციის მისაღებად დაგვიკავშირდით, ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!

გამოაგზავნეთ შეკითხვა