მოხრჩობის შეგრძნება - გასტროენტეროლოგია

კითხვა: გამარჯობა, მაქვს ზოგჯერ ხორხში მოჭერის მოხრჩობის შეგრძნება . ასევე მაქვს ნერწყვი რომელიც არის ნახველივით და ვერ გავიგე ეს ცხვირიდან ჩადის თუ კუჭიდან არის . ამასთან ერთად , შიგადაშიგ ბოყინი მაქვს . შესაძლებელია ეს იყოს ნერვული სპაზმი ? თუ ნაწლავების ან თუნდაც ცხვირ ხახის პრობლემით იყოს განპირობებ ული ? რადგან კუჭის ტკივილი როგორც ესეთი არ მაქვს . არც ფარისებრია რადგან გამოკვლევებმა არ დაადასტურეს.
პასუხი:

მოგესალმებით,
მიმოწერის რეჟიმში დიაგნოსტირება შეუძლებელია. თუმცა, როგორც მოგვითხრობთ, ერთ–ერთი სიმპტომია ბოყინი, ამიტომ ვფიქრობთ, შესაძლოა თქვენი ჩივილების მიზეზი საყლაპავის დაავადებით იყოს გამოწვეული, საყლაპავი მილის სხვადასხვა პათოლოგია ხშირად იწვევს ასეთ სიმპტომებს. რეფლუქსეზოფაგიტის დროს ყალიბდება კარდიის სარქვლის უკმარისობა, რის გამოც სფინქტერი ვერ ხურავს ხვრელს და კუჭის შიგთავსი საყლაპავში გადადის. ეს არის რეფლუქსი, რაც საყლაპავის ქვედა მესამედის გაღიზიანებას და ანთებით ცვლილებებს იწვევს.
გამოსარიცხია დიაფრაგმის საყლაპავის ხვრელის თიაქარი, შესაძლოა კარდიოსპაზმიც. ასევე უნდა გამოირიცხოს სანაღვლე გზების დისკინეზია.
მიმართეთ გასტროენტეროლოგს ან თერაპევტს.
პირველ რიგში, გაესაუბრეთ გასტროენტეროლოგს და თუ ამ მხრივ ყველაფერი რიგზეა, შემდეგ მკურნალობაში უნდა ჩართოთ ოტო–რინო–ლარინგოლოგი.
შეგიძლიათ, ამ მიზნით მობრძანდეთ ჩვენს კლინიკაში, სადაც მოგემსახურებათ მაღალკვალიფიციურ ექიმთა გუნდი.
თუ გადაწყვეტთ ვიზიტს, სასურველია თან იქონიოთ ჩატარებულ კვლევათა პასუხები.


სხვა დამატებითი ინფორმაციისათვის და ჩასაწერად დაგვიკავშირდით, საკონტაქტო ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!

გამოაგზავნეთ შეკითხვა