დ ო ლ ა რ ე ნ ი
DOLAREN
შემადგენლობა:
დიკლოფენაკ ნატრიუმი ბრ. ფ ..........50 მგ
(გრანულებში ენტეროსოლუბილური გარსით)
პარაცეტამოლი ბრ. ფ .........500 მგ
აღწერა:
დოლარენი -დიკლოფენაკ ნატრიუმისა (გრანულებში ენტეროსოლუბილური გარსით ) და პარაცეტამოლის კომბინაციაა.
დიკლოფენაკი - არასტეროიდული ანთების საწინააღმდეგო პრეპარატია, რომელიც ეფექტურია ანთებითი პროცესების დროს. პრეპარატის შემადგენლობაში შემავალი პარაცეტამოლი - ფართოდ გამოიყენება ანალფეზიური და სიცხის დამწევი საშუალების სახით, რომელიც კარგი ამტანობით ხასიათდება. პარაცეტამოლი აძლიერებს და ხელს უწყობს დიკლოფენაკის მოქმედებას.
დოზირება და მიღება:
მოზრდილები და 12 წელზე უფროსი ასაკის ბავშვები:
1 ტაბლეტი 2 /ან 3 - ჯერ დღეში საკვების მიღების შემდეგ, ან ექიმის დანიშნულების მიხედვით.
გადაყლაპვა საჭიროა მთლიანად. დაღეჭვა არ შეიძლება.
ჩვენებები:
თავის ტკივილები, სტომატოლოგიური დაავადებებისას არსებული ტკივილები, დისმენორეა, სპორტული და სამგზავრო ტრავმები, რევმატიზმი, ართრიტი, ლუმბაგო, ბურსიტი, იშიალგია, სხვადახვა ეტიოლოგიის ტემპერატურის მომატება.
გვერდითი მოვლენები:
უნდა გვახსოვდეს, რომ გვერდითი ეფექტების გამოვლენა ძირითადად დოზა დამოკიდებული და განსხვავებულია სხვადასხვა ინდივიდში. განსაკუთრებით კუჭ-ნაწლავის ტრაქტიდან სისხლდენების რისკი (წყლული, ლორწოვანის დეფექტები, კუჭის ლორწოვანი გარსის ათება ), დამოკიდებულია დოზაზე და მკურნალობის ხანგრძლივობაზე.
კუჭ - ნაწლავის ტრაქტი: საკმაოდ ხშირია ( > 10 % ) გულისრევა,ღებინება, დიარეა, უმნიშვნელო სისხლდენების შემთხვევები, რამაც ინდივიდუალურ შემთხვევაში შეიძლება გამოიწვიოს ანემია.
ხშირად შესაძლებელია (> 1 % - < 10 % ) ისეთი გვერდითი ეფექტების გამოვლენა, როგორიცაა: დისპეპსია, მეტეორიზმი, ტკივილი ეპიგასტრიუმის არეში, მადის დაქვეითება, ასევე კუჭისა და ნაწლავის წყლულები (საიდანაც შეიძლება განვითარდეს სისხლდენა და პერფორაცია ).
ძალიან იშვიათად (> 0.1 % -< 1 % ) ვითარდება ჰემატემეზისი, მელენა და სისხლიანი დიარეა. ეპიგასტრიუმის არეში ძლიერი ტკივილის განვითარების, განავლის გამუქების და განავალში სისხლის აღმოჩენისას მკურნალობა წყდება, საჭიროა დაუყოვნებლივ ექიმთან მიმართვა.
ძალიან იშვიათად ( < 0.01 % ) აღინიშნება სტომატიტი, გლოსიტი, საყლაპავის დაზიანება, ჩივილები კუჭ-ნაწლავის ტრაქტის ქვედა ნაწილის მხრივ (მაგ. მსხვილი ნაწლავის არასპეციფიკური სისხლდენები, კრონის დაავადება და წყლულოვანი კოლიტი).
ძალიან იშვიათად (<0.01%) აღინიშნება დიაფრაგმალური ინტენსტინალური სტრიქტურები.
ცენტრალური ნერვული სისტემა და სენსორული ორგანოები
ხშირია (>1% -< 10%) თავის ტკივილი, აგზნება, გაღიზიანება, დაღლილობა, თავბრუსხვევა.
ძალიან იშვიათია (< 0.01%) მგრძნობელობის და მხედველობის დაქვეითება (დაბინდული ან გაორებული მხედველობა), გემოს შეცვლა, შუილი ყურებში, სმენის გარდამავალი დარღვევები, მეხსიერების დარღვევა, დეზორიენტაცია, კრუნჩხვები, მოუსვენრობა, ღამის კოშმარები, კანკალი, დეპრესიის და სხვა ფსიქოლოგიური რეაქციების გამოვლენა.
ძალიან იშვიათ შემთხვევაში (<0.01%) დიკლოფენაკის გამოყენებისას შეიძლება განვითარდეს ასეპტიური მენინგიტის სიმპტომები, კისრის რიგიდობის, თავის ტკივილის, გულისრევის, ღებინების, სიცხის დეზორიენტაციის ჩათვლით.
კანი
შესაძლებელია გამოვლინდეს (> 1%-<10%) კანის ჰიპერმგრძნობელობის რეაქციები გამონაყარისა და ქავილის სახით. იშვიათია (>0.1%-<1%) ურტიკარია ან ალოპეცია.ძალზედ იშვიათია (0.01%) მომატებული მგრძნობელობა სინათლეზე, კანზე გამონაყარი, ჰიპერემია და ბუშტუკების წარმოქმნა (ეგზანთემა, ერითემა), პურპურა (ასევე ალერგიული პურპურა), კანის სეროზული რეაქციების განვითარება (სტივენ-ჯონსის სინდრომი, ლაიელის სინდრომი).
თირკმელი
ძალიან იშვიათად (<0.01%) ვითარდება თირკმელების ნეკროზი (ინტერსტიციული ნეფრიტი, პაპილონეკროზი) ან თირკმლის მწვავე უკმარისობა, პროტეინურია, ჰემატურია, ნეფროზული სინდრომი. თირკმელების ფუნქცია რეგულარულად უნდა შემოწმდეს.
ღვიძლი
ხშირია (>1%-<10%) სისხლში ღვიძლის ტრანსამინაზების მომატება.
იშვიათია (>0.1%-<1%) ჰეპატიტის შემთხვევები (სიყვითლით და მის გარეშე მიმდინარე ფორმები, ერთეულ შემთხვევებში ფულმინანტური მიმდინარეობის ან პროდრომული ნიშნების გამოვლენის გარეშე). აუცილებელია ღვიძლის ფუნქციის მაჩვენებლების კონტროლი.
პანკრეასი
ძალიან იშვიათად (0.01%) დაფიქსირდა პანკრეასის ანთებითი მოვლენები.
სისხლი
იშვიათ შემთხვევებში (>0.1%-<1%) დაფიქსირდა ანემია, ლეიკოპენია, თრომბოციტოპენია, აგრანულოციტოზი. მისი გამოვლენის პირველი ნიშნებია ანგინა, ტუჩების ზედაპირული დაზიანება, გრიპისმაგვარი სიმპტომები, ცხვირიდან სისხლდენა, კანქვეშა სისხლჩაქცევები. ხანგრძლივი მკურნალობის შემთხვევაში აუცილებელია სისხლის მაჩვენებლების მონიტორინგი.
ძალიან იშვიათ შემთვევასი (<0.01%) გვხვდება ჰემოლიზური ანემიაც.
გულ-სისხლძარღვთა სისტემა
ძალიან იშვიათ შემთხვევებში (<0.01%) დაფიქსირდა: გულის ფრიალი, ტკივილი მკერდის არეში და მომატებული არტერიული წნევა. ერთეულ შემთხვევებში გამოვლინდა გულის უკმარისობა.
უკუჩვენებები:
• დიკლოფენაკ ნატრიუმის და მისი კომპონენტების მიმართ მომატებული მგრძნობელობა.
• უცნობი ეთიოლოგიის სისხლწარმომქმნელი ფუნქციის დარღვევა, კოაგულაციის დარღვევა.
• კუჭის და /ან დუოდენალური წყლული.
• ორსულობის ბოლო ტრიმესტრი.
• ცერებრული ჰემორაგიები, სისხლდენები კუჭ-ნაწლავის ტრაქტიდან და სხვა მწვავე სისხლდენები.
• ბავშვები და 15 წლამდე მოზარდები.
ურთიერთქმედება სხვა სამკურნალო საშუალებებთან:
გთხოვთ მიმართოთ ექიმს ან ფარმაცევტს თუ თქვენ იღებთ რომელიმე სხვა პრეპარატს. გთხოვთ გაითვალისწინოთ, რომ ეს ინფორმაცია ასევე ეხება იმ პრეპარატებსაც რომლებსაც იღებდით უახლოეს პერიოდში.
ერთდროული გამოყენებისას, დიკლო-დენკ 50 შეუძლია გაზარდოს ლითიუმის, ფენიტოინის, დიგოქსინის პლაზმური კონცეტრაცია. აუცილებელია სისხლში ლითიუმის კონცეტრაციის კონტროლი.
მას შეუძლია შეამციროს დეჰიდრატაციული და არტერიულ წნევაზე მოქმედი (შარდმდენი და ანტიჰიპერტენზიული საშუალებები) პრეპარატების ეფექტი.
დიკლოფენაკ ნატრიუმს შეუძლია შეამციროს ანგიოტენზინგარდამქმნელი ფერმენტების ინჰიბიტორების (გულის უკმარისობის და არტერიული წნევის შეიძლება ასევე გაზარდოს თირკმლის ფუნქციის დარღვევის რისკი. კალიუმის შემნახველ შარდმდენ პრეპარატებთან ერთდროულმა გამოყენებამ შეიძლება გამოიწვიოს შრატში კალიუმის მომატება.
ერთდროული გამოყენება გლუკოკორტიკოიდებთან, ან სხვა არასტეროიდულ ანთების საწინააღმდეგო პრეპარატებთან ზრდის კუჭ-ნაწლავის ტრაქტის ფუნქციის დარღვევის რისკს (იხ.გვერდითი ეფექტები).
დიკლო-დენკ 50 გამოყენება მეთოტრექსატის მიღებამდე 24 სთ-ით ადრე ან გვიან, ზრდის მეთოტრექსატის კონცეტრაციას და მის არასასურველ ეფექტებს.
პრობენეციდის ან სულფინპირაზონის შემცველ პრეპარატებს (პოდაგრის სამკურნალო პრეპარატები) შეუძლიათ შეაფერხონ დიკლოფენაკის ელიმინაცია. ამან შეიძლება ორგანიზმში გამოიწვიოს დიკლოფენაკ ნატრიუმის კონცეტრაციის გაზრდა და პრეპარატის გვერდითი ეფექტებს გამოვლენა.
შენახვის პირობები: ინახება გრილ, მშრალ ადგილას, 25 *C-მდე.
შენახვის ვადა: 3 წელი.
გაცემის წესი: რეცეპტის გარეშე.
გამოშვების ფორმა: შეფუთვა: 10 ბლისტერი მუყაოს კოლოფში,თითოში 10 ტაბლეტი.
მწარმოებელი: ნაბროს ფარმა პვტ ლტდ. ნ.ჰ. 8, კაჯიპურა, ქჰედა .ინდოეთი.
