კეტამინის 5%-იანი საინექციო ხსნარი
გენერიული დასახელება: კეტამინის ჰიდროქლორიდი
წამლის ფორმა: საინექციო ხსნარი
აღწერილობა: პრეპარატი წარმოადგენს უფერო, გამჭვირვალე ან ოდნავ შეფერილ სითხეს.
შემადგენლობა: 57,6 გ კეტამინის ჰიდროქლორიდი; 0,1 გ ბენზეთონიუმის ქლორიდი; 1,6 გ ნატრიუმის ქლორიდი, 1 ლ-მდე საინექციო წყალი.
ფარმაკოლოგიური ჯგუფი: არაინჰალაციური ზოგადი საანესთეზიო საშუალება.
ფარმაკოლოგიური თვისება: პრეპარატს გააჩნია გამოხატული ზოგადი საანესთეზიო და ანალგეზიური ეფექტი. პრეპარატის მოქმედების მექანიზმი განპირობებულია ცნს-ის სხვადასხვა უბნების დათრგუნვით. კეტამინი უპირატესად თრგუნავს სომატური ტკივილის შეგრძნებას, ვიდრე ვისცერალურის, რაც მხედველობაშია მისაღები მუცლის ღრუს ორგანოებზე ქირურგიული ჩარევის შემთხვევაში. კეტამინს არ გააჩნია კუმულაციური ეფექტი.
ჩვენება: კეტამინი გამოიყენება როგორც მონო- ასევე კომბინირებული ნარკოზის (უკანასკნელ შემთხვევაში კეტამინით ხორციელდება ბაზისური ნარკოზი). კომბინირებული ნარკოზი კეტამინთან კომბინაციაში ძირითადად გამოიყენება დაბალი არტერიული წნევის მქონე პაციენტებში და ფილტვების დამოუკიდებელი ვენტილაციის შენარჩუნებისას აუცილებლობის შემთხვევაში. კეტამინი გამოიყენება გადაუდებელ ქირურგიაში ხანმოკლე მანიპულაციების შემთხვევაში, ტრავმული შოკის მქონე პაციენტებსა და სისხლის დაკარგვის შემთხვევაში პაციენტთა ევაკუაციის დროს, აგრეთვე ენდოსკოპური პროცედურების ჩატარებისას, აგრეთვე მრავალკომპონენტიანი ინტრავენური ანესთეზიის დროს.
დიდი ქირურგიული ჩარევის შემთხვევაში კეტამინი გამოიყენება სხვა სანარკოზო საშუალებებთან კომბინაციაში.
მიღების წესი და დოზირება: კეტამინი შეყავთ ვენაში ერთჯერადად, ფრაქციულად ან წვეთოვანი გზით, ასევე კუნთებში.
მოზრდილებში პრეპარატი შეყავთ ვენაში 2-3 მგ/კგ სხეულის წონის მიხედვით, კუნთებში – 4-8 მგ/კგ. ნარკოზის მოქმედების შენარჩუნების მიზნით კეტამინის შეყვანას იმეორებენ (0,5 – 1 მგ/კგ ვენაში ან 3 მგ/კგ კუნთებში).
ნარკოზის მოქმედების შენარჩუნება ვენაში უწყვეტი ინფუზიის გზით აღინიშნება პრეპარატის 2 მგ/კგ სთ-ში სიჩქარით შეყვანისას. აღნიშნული მიღების წესს ახორციელებენ ინფუზომატების დახმარებით ან 0,1 % კეტამინის ხსნარის ნატრიუმის ქლორიდის იზოტონურ ან გლუკოზის ხსნარში განზავებისას მისი შემდგომში წვეთოვანი გზით შეყვანისას (30-60 წვეთი/წთ-ში).
კეტამინის მინიმალური ეფექტური დოზა ვენაში შეყვანისას შეადგენს 0,5 მგ/კგ სხეულის წონაზე (პაციენტი ცნობიერებას კარგავს 1-2 წთ-ის შემდეგ, ეფექტი გრძელდება 2 წთ-ის განმავლობაში). 1 მგ/კგ დოზა მოქმედებს 6 წთ, 2 მგ/კგ – 10-15 წთ-ის განმავლობაში.
კუნთებში შეყვანისას პრეპარატის მოქმედების ეფექტი ვითარდება ნელა, მაგრამ შედარებით ხანგრძლივად (6-8 მგ/კგ შეყვანისას ეფექტი ვითარდება 6-8 წთ-ის შემდეგ და გრძელდება 30-40 წთ-ს).
კეტამინის ვენაში შეყვანის შემდეგ ანალგეზიური ეფექტი ვითარდება 10 წთ-ის განმავლობაში და გრძელდება 2-3 სთ.
გვერდითი მოვლენები: გულ-სისხლძარღვთა სისტემის მხრივ ძალიან ხშირად აღინიშნება პულსის სიხშირის და არტერიული წნევის მომატება. მოსალოდნელია რითმის და სუნთქვის სიხშირის დარღვევა (დათრგუნვა). ნარკოზიდან გამოსვლის პერიოდში მოსალოდნელია ფსიქომოტორული აგზნება, ჰალუცინაციები, გაძლიერებული ნერწყვდენა. პრეპარატის შეყვანის ადგილას აღინიშნება ტკივილი და ვენების გასწვრივ ჰიპერემია.
წინააღმდეგჩვენება: თავის ტვინში სისხლმიმოქცევის დარღვევა, არტერიული ჰიპერტონია, სტენოკარდია, გულ-სისხლძარღვთა უკმარისობა დეკომპენსაციის სტადიაში, პრეეკლამფსია და ეკლამფსია, ბავშვთა ასაკში ეპილეფსია.
პრეპარატის შემადგენლობაში შემავალი კომპონენეტების მიმართ მომატებული მგრძნობელობა.
ურთიერთქმედება სხვა სამკურნალო საშუალებებთან: კეტამინის გამოყენება დასაშვებია ნეიროლეფსიურ საშუალებებთან (დროპერიდოლი და სხვა) და ანალგეზიურ საშუალებებთან (პრომედოლი, ფენტანილი, დიპიდოლორი და სხვა) კომბინაციაში. ამ შემთხვევაში რეკომენდებულია კეტამინის დოზის შემცირება.
აუცილებელია გავითვალისწინოთ, რომ კეტამინი ზრდის არტერიულ წნევას 20-30%-ით, გულის შეკუმშვის რითმს ახშირებს, ზრდის გულის წუთმოცულობას. გულის მუშაობის სტიმულაცია შესაძლოა შემცირებულ იქნას დიაზეპამით. ხორხზე ქირურგიული ჩარევის შემთხვევაში აუცილებელია მიორელაქსანტების გამოყენება. კეტამინის ხსნარის შერევა ბარბიტურატებთან დაუშვებელია, ვინაიდან წარმოიქმნება ნალექი.
ვარგისიანობის ვადა: აღნიშნულია შეფუთვაზე და აღნიშნული ვადის გასვლის შემდეგ პრეპარატის გამოყენება დაუშვებელია.
გამოშვების ფორმა: 5%-იანი ხსნარი 2 და 10 მლ ამპულებში, N10 ამპულა შეფუთვაში.
შენახვის პირობები: ინახება სინათლისაგან და ბავშვებისაგან დაცულ ადგილას.
მწარმოებელი ფირმა: “ფარმაკი” (უკრაინა)
