ნეირომიდინი
გენერიული დასახელება:
იპიდაკრინი
ნეირომიდინი-9-ამინო-2,3,5,6,7,8-ჰექსაჰიდრო-1Hციკლოპენტა [ ბ] ქინოლინის ჰიდროქლორიდის მონოჰიდრატი
წამლის ფორმა:
ტაბლეტი
შემადგენლობა:
აქტიური ნივთიერება:
1 ტაბლეტი შეიცავს 20 მგ ამირიდინს;
დამხმარე ნივთიერებები:
ლაქტოზა, კარტოფილის სახამებელი, კალციუმის სტეარატი.
აღწერილობა:
თეთრი ფერის ტაბლეტები.
ფარმაკოთერაპიული ჯგუფი:
ქოლინესთერაზას ინჰიბიტორი.
ფარმაკოლოგიური თვისებები:
ნეირომიდინი წარმოადგენს ქოლიესთერაზას შექცევად ინჰიბიტორს, რომელსაც გააჩნია ნერვ-კუნთოვან სინაფსსა და ცნს-ში იმპულსის გატარებაზე მასტიმულირებელი მოქმედება, აგზნებადი მემბრანის კალიუმის არხების ბლოკირების შედეგად. ნეირომიდინი აძლიერებს გლუვ კუნთებზე არა მარტო აცეტილქოლინის, არამედ ადრენალინის, სეროტონინის, ჰისტამინისა და ოქსიტოცინის მოქმედებას.
ნეირომიდინს გააჩნია შემდეგი ფარმაკოლოგიური ეფექტები:
- იგი აღადგენს და ასტიმულირებს ნერვ-კუნთოვან გადაცემას;
- აღადგენს იმპულსების გატარებას პერიფერიულ ნერვულ სისტემაში, რომელიც დარღვეული სხვადასხვა ფაქტორების ზემოქმედების შედეგად (ტრავმა, ანთება, ადგილობრივი საანესთეზიო საშუალებების, ზოგიერთი ანტიბიოტიკების, კალიუმის ქლორიდის და სხვა ფაქტორების ზემოქმედებით);
- აძლიერებს გლუვ კუნთოვანი ორგანოების შეკუმშვადობას ყველა აგონისტების ზემოქმედებით, კალიუმის ქლორიდის გარდა;
- ზომიერად ასტიმულირებს ცნს-ას;
- აუმჯობესებს მეხსიერებას და შესწავლის უნარს.
პრეპარატს არ გააჩნია ტერატოგენობა, ემბრიოტოქსიკურობა, მუტაგენობა და კანცეროგენობა, აგრეთვე მაალერგიზირებელი ან იმუნოტოქსიკური მოქმედება. პრეპარატს არ გააჩნია უარყოფითი მოქმედება ენდოკრინულ სისტემაზე.
ფარმაკოკინეტიკა:
ნეირომიდინი პერორალურად მიღების შემდეგ სწრაფად შეიწოვება. სისხლში მისი მაქსიმალური კონცენტრაცია აღინიშნება1 სთ-ის შემდეგ. ნეირომიდინი სისხლიდან სწრაფად ხვდება ქსოვილებში, ხოლო სისხლის შრატში სტაბილიზაციის სტადიაში პრეპარატის მხოლოდ 2% აღინიშნება. ნეირომიდინის ელიმინაცია ხორციელდება თირკმელებით, აგრეთვე ექსტრარენულად (ბიოტრანსფორმაცია, ნაღველით სეკრეცია). ნეირომიდინის მხოლოდ 3,7 % გამოიყოფა უცვლელი სახით, რაც მიუთითებს ნეირომიდინის ორგანიზმში სწრაფ მეტაბოლიზმზე.
ჩვენება:
ნეირომიდინი მოზრდილებში გამოიყენება პერიფერიული ნერვული სისტემის დაავადებების დროს (ნევრიტების, პოლინევრიტების და პოლინეიროპათიების, პოლირადიკულონეიროპათიების, მიასთენიის და სხვადასხვა მიასთენიური სინდრომების დროს), ბულბარული დამბლის და პარეზების სამკურნალოდ, ცნს-ის ორგანული დაზიანებების აღდგენით პერიოდში, რომლის თანმხლებია მოძრაობის დარღვევა; დემიელინიზირებული დაავადებების კომპლექსურ თერაპიაში, აგრეთვე ნაწლავების ატონიის დროს.
წინააღმდეგჩვენება:
ნეირომიდინის გამოყენება წინააღმდეგნაჩვენებია ეპილეფსიის, ექსტრაპირამიდული მოშლილობების, სტენოკარდიის, გამოხატული ბრადიკარდიის, ბრონქული ასთმის, პრეპარატის მიმართ ინდივიდუალური აუტანლობის, ვესტიბულური დარღვევების, წყლულოვანი დაავადებების გამწვავების ფაზაში.
ორსულობისა და ლაქტაციის პერიოდი:
ნეირომიდინი კარგად აღწევს ორგანიზმის ყველა ქსოვილში. იგი აძლიერებს საშვილოსნოს კუნთების ტონუსს და შესაძლებელია გამოიწვიოს ნაადრევი მშობიარობა, ამიტომ ორსულობის პერიოდში მისი გამოყენება არ არის რეკომენდებული. პრეპარატი შესაძლებელია გამოვიყენოთ სუსტად მიმდინარე მშობიარობის დროს.
პრეპარატის ლაქტაციის პერიოდში გამოყენება არ არის რეკომენდებული.
მიღების წესი და დოზირება:
ნეირომიდინი მიიღება 1-3-ჯერ დღეში. პრეპარატის ერთჯერადი დოზა შეადგენს 10-20 მგ-ს (0,01-0,02 გ) (0,5-1 ტაბლეტი). პერიფერიული ნერვული სისტემის დაზიანების შემთხვევაში, აგრეთვე მიასთენიის და მიასთენიური სინდრომის დროს პრეპარატი ინიშნება პერორალურად 10-20 მგ-ის ოდენობით (0,01-0,02 გ) 1-3-ჯერ დღეში 1-2 თვის განმავლობაში. ხანმოკლე მკურნალობის კურსის ჩასატარებლად მძიმე ფორმის ნერ-კუნთოვანი გადაცემის დარღვევის მქონე პაციენტებში ერთჯერადი დოზა შესაძლებელია შეადგენდეს 20-40 მგ-ს (0,02-0,04 გ) პერორალურად (1-2- ტაბლეტი) 5-6-ჯერ დღეში.
ნაწლავის ატონიის პროფილაქტიკისა და მკურნალობისათვის ნეირომიდინი მიიღება დოზით 20 მგ (0,02 გ) 2-3-ჯერ დღეში 1-2 კვირის განმავლობაში. თუ მორიგი დოზა გამოტოვებულ იქნა, მაშინ მკურნალობის კურსს აგრძელებენ ადრე დანიშნული დოზებით. აუცილებლობისას საჭიროა ექიმთან კონსულტაცია.
განსაკუთრებული მითითებანი:
პრეპარატი აძლიერებს საშვილოსნოს კუნთების ტონუსს და შესაძლებელია გამოიწვიოს ნაადრევი მშობიარობა. იგი სიფრთხილით ინიშნება კუჭის წყლულის, თირეოტოქსიკოზისა და გულ-სისხლძარღვთა დაავადებების დროს.
ნეირომიდინი ორგანიზმის ქსოვილებში კარგად აღწევს და შესაძლებელია გამოიწვიოს სედატიური მოქმედება. ამიტომ პირებს, რომლებიც იღებენ აღნიშნულ პრეპარატს სიფრთხილე მართებთ მანქანა-დანადგარებთან მუშაობისას. მკურნალობის პერიოდში თავი უნდა შევიკავოთ ალკოჰოლის მიღებისაგან.
ურთიერთქმედება სხვა სამკურნალო საშუალებებთან:
პრეპარატის გამოყენება ცნს-ის დამთრგუნველ საშუალებებთან ერთად აძლიერებს სედატიურ ეფექტს. პრეპარატის მოქმედება და გვერდითი მოვლენები ძლიერდება მისი კომბინაციით ქოლინესთერაზას სხვა ინჰიბიტორებთან და M-ქოლინობლოკატორებთან ერთდროული გამოყენებისას. მიასთენიით შეპყრობილ პაციენტებში ნეირომიდინისა და სხვა ქოლინერგული საშუალებების გამოყენებისას ძლიერდება ქოლინომიმეტური კრიზის წარმოშობის რისკი. ბეტა-ადრენობლოკატორები იწვევენ ბრადიკარდიას იმ შემთხვევაში, თუკი ისინი გამოყენებულნი არიან ნეირომიდინით მკურნალობის დაწყებამდე. პრეპარატისა და ალკოჰოლის ერთდროული გამოყენება აძლიერებს არასასურველ გვერდით მოვლენებს.
ჭარბი დოზირება:
პრეპარატით მოწამვლის შემთხვევაში ან მისი ჭარბი დოზით გამოყენებისას გამოიყენება მ-ქოლინობლოკატორები: ატროპინი, ციკლოდოლი, მეტაცინი და სხვა.
გვერდითი მოვლენები:
ნეირომიდინის გამოყენებისას შესაძლებელია ჰიპერსალივაცია, მომატებული ნერწყვდენა, ბრადიკარდია, თავბრუსხვევა, გულისრევა, ღებინება, ალერგიული რეაქციები კანის მხრივ (ქავილი, გამონაყარი). ზემოთაღნიშნული შემთხვევების დროს დოზას ამცირებენ ან წყვეტენ პრეპარატის მიღებას. ჰიპერსალივაციისა და ბრადიკარდიის შემცირება შესაძლებელია მ-ქოლინობლოკატორებით. თუ ნეირომიდინით მკურნალობის პერიოდში აღინიშნება გვერდითი მოვლენები, რომლებიც არ არის მითითებული ინსტრუქციაში, საჭიროა მკურნალ ექიმის ინფორმირება.
ვარგისიანობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება არ არის რეკომენდებული.
შენახვის პირობები:
ინახება მშრალ, სინათლისაგან და ბავშვებისაგან დაცულ ადგილას
შეფუთვა:
20 მგ (0,02 გ) ტაბლეტი #50 შეფუთვაში.
მწარმოებელი:
“ოლაინფარმა” (ლატვია)
