დუოვიტი #40დრაჟე

დუოვიტი #40დრაჟე
დუოვიტი®
Duovit®


პრეპარატის სავაჭრო სახელწოდება: დუოვიტი®
წამლის ფორმა: დრაჟე
შემადგენლობა
1 წითელი ფერის დრაჟე შეიცავს:
ვიტამინი A (Retinolum) 5000 სე
ვიტამინი D3 (Cholecalciferolum) 200 სე
ვიტამინი C (Acidum ascorbicum) 60 მგ
ვიტამინი PP (Nicotinamidum) 13 მგ
ვიტამინი E (Tocopheroli acetas) 10 მგ
კალციუმის პანტოთენატი (Calcii pantothenas) 5 მგ
ვიტამინი B6 (Pyridoxini chloridum) 2 მგ
ვიტამინი B2 (Ribpflavinum) 1.2 მგ
ვიტამინი B1 (Thiamini nitras) 1 მგ
ფოლის მჟავა (Acidum folicum) 0.4 მგ
ვიტამინი B12 (Cianocobalaminum) 3 მკგ

1 წითელი ფერის დრაჟე შეიცავს:
მაგნიუმი (Mg2+) 20 მგ
კალციუმი (Ca2+) 15 მგ
ფოსფორი (P5+) 12 მგ
რკინა (Fe2+) 10 მგ
თუთია (Zn2+) 3 მგ
სპილენძი (Cu2+) 1 მგ
მანგანუმი (Mn2+) 1 მგ
მოლიბდენი (Mo6+) 0.1 მგ

დამხმარე ნივთიერებები: ლაქტაზას მონოჰიდრატი, მანიტი, აკრიგენტი ფორთოხლის ზეთი, ოილისორბატი 80, გლიცერინი, აბუსალათინის ზეთი, აორბიტი, თხევადი გლუკოზა, ქაფის საწინააღმდეგო ნივთიერება, მაგნიუმის სტეარატი, წითელი საღებავი (E124), ნარინჯისფერი საღებავი (E110), ფარმაცევტული ცვილები, საქაროზა, თხევადი პარაფინი, პოვიდონი, საღებავი ინდიგოტინი (E132).

ფარმაკოთერაპიული ჯგუფი
საშუალება, რომელიც მეტაბოლურ პროცესებზე მოქმედებს; ვიტამინურ-მინერალური კომპლექსი.
ათქ კოდი: A11AA03.

ფარმაკოლოგიური თვისებები
დუოვიტი – კომბინირებული პრეპარატია, რომელიც შეიცავს 11 ვიტამინსა და 8 მინერალს.
ვიტამინები და მინერალები წარმოადგენენ მეტაბოლური პროცესების მნიშვნელოვან ფაქტორს, ისინი აუცილებელია ორგანიზმის ნორმალური განვითარებისა და ზრდისათვის, ჯანმრთელობის შესანარჩუნებლად და გასაძლიერებლად.
ვიტამინი A წარმოადგენს ორგანიზმის ანტიოქსიდანტური დაცვის კომპონენტს, შედის უჯრედული მემბრანების სტრუქტურაში, აწესრიგებს უჯრედების ზრდას, აუცილებელია კანისა და ლორწოვანი გარსების დამცავი ფუნქციისათვის, მონაწილებს მხედველობის ფოტოქიმიურ აქტში, ასტიმულირებს უჯრედული იმუნიტეტის რეაქციებს.
ვიტამინი D3 მნიშვნელოვან როლს ასრულებს ორგანიზმში კალციუმისა და ფოსფორის ბალანსის შესანარჩუნებლად. მისი უკმარისობისას მცირდება კალციუმის შემცველობა ძვლის ქსოვილში (ოსტეოპოროზი).
ვიტამინი PP ააქტიურებს მეტაბოლურ პროცესებს ქსოვილებში, აუმჯობესებს რეგენერაციის პროცესების მიმდინარეობას, მონაწილეობს სტეროიდული ჰორმონების სინთეზში.
პანტოთენის მჟავა მონაწილებს ცილის მეტაბოლიზმში, ქოლესტერინისა და ცხიმოვანი მჟავების სინთეზში, ენერგეტიკულ ცვლაში, ხელს უწყობს ბიფიდობაქტერიების – ნაწლავის ბიოცენოზის მნიშვნელოვანი კომპონენტის ზრდას.
ვიტამინი B1 ხელს უწყობს ნერვული სისტემის ნორმალურ ფუნქციონირებას, უზრუნველყოფს ნახშირწყლების ცვლას.
ვიტამინი B2 ხელს უწყობს ქსოვილების, მათ შორის კანის უჯრედების რეგენერაციის პროცესებს.
ვიტამინი B6 მონაწილეობს ცილების, ნახშირწყლებისა და ცხიმების ცვლის რეგულირებაში, ჰემოგლობინის, ასევე ფარისებრი ჯირკვლის ჰორმონების წარმოქმნაში, ხელს უწყობს ძვლების, კბილების, ღრძილების სტრუქტურისა და ფუნქციის შენარჩუნებას.
ვიტამინი B12 მონაწილეობს სისხლის წარმოქმნის პროცესებში, ხელს უწყობს ნერვული სისტემის ნორმალურად ფუნქციონირებას.
ფოლის მჟავა ძალიან მნიშვნელოვან როლს ასრულებს ნუკლეინური მჟავებისა და ცილების ბიოსინთეზში, მონაწილებს სისხლის წარმოქმნაში.
ვიტამინი E წარმოადგენს ბუნებრივ ანტიოქსიდანტს, აკონტროლებს ნუკლენური მჟავებისა და ჰემოგლობინის სინთეზს, ხელს უწყობს ორგანიზმის იმუნოდამცავი ძალების გაძლიერებას.
ვიტამინი C წარმოადგენს მთავარ ვიტამინ-ანტიოქსიდანტს, მონაწილეობს ნაწლავიდან რკინის შეწოვაში, არეგულირებს ცვლას შემაერთებელ ქსოვილში, აწესრიგებს სისხლძარღვების გამტარობას, აქტიურად მონაწილეობს ტოქსინების გაუვნებელყოფაში. ვიტამინი ჩ აძლიერებს ორგანიზმის მდგრადობას ინფექციების მიმართ, ასუსტებს ანთებით რეაქციებს.
კალციუმი მონაწილეობს ძვლის ქსოვილის ჩამოყალიბებაში, სისხლის შედედებაში, ნერვული იმპულსების გადაცემაში, ჩონჩხისა და გლუვი კუნთების შეკუმშვაში, გულის ნორმალურად მუშაობაში. იგი ასევე ხელს უწყობს რკინის შეწოვას.
მაგნიუმი მონაწილეობს კუნთებისა და ძვლის ქსოვილის ჩამოყალიბებაში, ასევე ცილის სინთეზში.
რკინა ჰემოგლობინის მოლეკულის ნაწილია, მონაწილეობს ჟანგბადის ორგანიზმში გადატანაში და ახდენს ანემიის განვითარების პრევენციას.
ფოსფორი, კალციუმთან ერთად, მონაწილეობს კბილებისა და ძვლის ჩამოყალიბებაში, ასევე ენერგეტიკული ცვლის პროცესებში.
მანგანუმი ეხმარება ძვლების მინერალიზაციას.
სპილენძი აუცილებელია ერითროციტების ნორმალური ფუნქციონირებისათვის და რკინის ცვლისათვის.
თუთია აუცილებელია ქსოვილების რეგენერაციისათვის, შედის ზოგიერთი ჰორმონის შემცველობაში, ინსულინის ჩათვლით.
ვიტამინურ-მინერალური კომპლექსის უკეთესად ათვისებისათვის და ძირითადი კომპონენტების აქტივობის შესანარჩუნებლად ვიტამინები და მინერალები დაყოფილია სხვადასხვა ფერის დრაჟეებში. ვიტამინებს შეიცავს წითელი ფერის დრაჟეები, მინერალებს – ცისფერი ფერის დრაჟეები.

გამოყენების ჩვენებები
დუოვიტი გამოიყენება როგორც პროფილაქტიკური საშუალება:
• ორგანიზმის წინააღმდეგობის გასაძლიერებალდ ინფექციური და გაციების დაავადებების მიმართ;
• გამოჯანმრთელების პერიოდში გადატანილი დაავადებების შემდეგ;
• არარეგულარული, არასრულფასოვანი ან ერთფეროვანი კვების რაციონისას (ძირითადად სწრაფი კვება, საკვების არარეგულარულად მიღება, ცოცხალი ხილისა და ბოსტნეულის სეზონური უკმარისობა), კვების შემცირებული რაციონისას (წონის დასაკლები დიეტა, დიაბეტი და ა.შ.);
• მდგომერეობებისას, რომლებსაც ახლავს ვიტამინებსა და მინერალებში მოთხოვნილების გაზრდა: მაღალი ფიზიკური (ფიზკულტურასა და სპორტში აქტიური ვარჯიში) და ნერვულ-ფსიქიკური დატვირთვა, ორსულობა და ლაქტაციის პერიოდი;
• საკვები პროდუქტების არასაკმარისად ათვისებისას (ხანდაზმული ადამიანები, მწეველები, ალკოჰოლიკები);
• მინერალური ნივთიერებების დაკარგვისას (გულისრევა, დიარეა, ჭარბი მენსტრუაცია, ჭარბი ოფლდენა);
• კომპლექსურ თერაპიაში ქიმიოთერაპიული საშუალებების გამოყენებისას.

უკუჩვენებები
ჰიპერმგრძნობელობა პრეპარატის კომპონენტების მიმართ.

სიფრთხილე
შესაძლებელია შარდის ყვითლად შეღებვა – აბსოლუტურად უვნებელია და აიხსნება პრეპარატის შემადგენლობაში რიბოფლავინის არსებობით. დუოვიტის გამოყენება ვიტამინებისა და მინერალების შემცველ სხვა პრეპარატებთან ერთად რეკომენდებული არ არის.

გამოყენების წესი და დოზები
რეკომენდებულია საუზმის შემდეგ მიღება. მოზრდილებსა და 10 წელზე უფროსი ასაკის ბავშვებში 1 წითელი ფერის დრაჟე და 1 ცისფერი ფერის დრაჟე დღეში. დრაჟე უნდა ჩაიყლაპოს მთლიანად, მცირე რაოდენობით წყლის დაყოლებით. პრეპარატის მიღების კურსი 30 დღეს შეადგენს. პრეპარატის მიღების კურსი შეიძლება განმეორდეს შესვენების (1-3 თვე) შემდეგ ან ექიმის რეკომენდაციით.

გვერდითი ეფექტები
შესაძლებელია ალერგიული რეაქციები. არ შეიძლება რეკომენდებული სადღეღამისო დოზის გადაჭარბება. შემთხვევით ჭარბი დოზის მიღებისას აუცილებელია ექიმთან მიმართვა.

ურთიერთქმედება სხვა სამკურნალო საშუალებებთან
პრეპარატი რკინასა და კალციუმს შეიცავს და ამიტომ ანელებს ნაწლავში ტეტრაციკლინების ჯგუფის ანტიბიოტიკების, ასევე ანტიმიკრობული საშუალებების – ფტორქინოლონების წარმოებულების შეწოვას.
ვიტამინი C აძლიერებს სულფანილამიდების ჯგუფის ანტიმიკრობული საშუალებების გვერდით მოქმედებასა და ეფექტებს (მათ შორის შარდში კრისტალების წარმოქმნა). ანტაციდური პრეპარატები, რომლებიც ალუმინს, მაგნიუმს, კალციუმს, ასევე ქოლესტორამინს შეიცავენ, ამცირებენ რკინის შეწოვას. თიაზიდების ჯგუფის შარდმდენი საშუალებების ერთდროულად დანიშვნისას იზრდება ჰიპერკალციემიის განვითარების შესაძლებლობა.

გამოშვების ფორმა
40 დრაჟე (ვიტამინების შემცველი წითელი ფერის 20 დრაჟე და მინერალების შემცველი ცისფერი ფერის 20 დრაჟე).

შენახვის პირობები
ინახება მშრალ, ბავშვებისათვის მიუწვდომელ ადგილას, არაუმეტეს 250C ტემპერატურაზე.

ვარგისიანობის ვადა.
3 წელი.
პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ არ შეიძლება.

გაცემის პირობები.
რეცეპტის გარეშე.

მწარმოებელი.
კრკა, დ.დ., ნოვო მესტო სლოვენია.