ნეო-სპირინი + C
NEO-SPIRINUM+ C
შუშხუნა ტაბლეტები
NEO-SPIRINUM+ C
შუშხუნა ტაბლეტები
ერთი ტაბლეტის შემადგენლობა:
აცეტილსალიცილმჟავა _ 400 მგ;
ასკორბინის მჟავა _ 240 მგ;
ფორთოხლის არომატიზატორი _ 30 მგ;
დამხმარე ნივთიერებები: ნატრიუმის ჰიდროკარბონატი, ლაქტოზა, ლიმონმჟავა, ნატრიუმის ბენზოატი, სვიტლი, პეგი _ საჭირო რაოდენობა 2,0გ მასის ტაბლეტის მისაღებად.
ფარმაკოლოგიური მოქმედება:
აცეტილსალიცილის მჟავა არასტეროიდული ანთების საწინააღმდეგო საშუალებაა, აქვს ანალგეტიკური, სიცხის დამწევი მოქმედება. ასკორბინის მჟავას აქვს ანტიოქსიდანტური, ანთების საწინააღმდეგო მოქმედება. აძლიერებს ორგანიზმის წინააღმდეგობის უნარს ინფექციური დაავადებების მიმართ.
ჩვენება:
გრიპი, მწვავე რესპირატორული და სხვა ცხელებით მიმდინარე დაავადებები (ტემპერატურისა და ტკივილის მოსახსნელად, ორგანიზმის სტატუსის გასაძლიერებლად).
გვერდითი მოვლენები:
იშვიათ შემთხვევაში აღინიშნება ჰიპერერგული რეაქციები (ბრონქოსპაზმი, კანის რეაქციები). ძალიან იშვიათ შემთხვევებში _ კუჭ_ნაწლავის მხრიდან სისხლდენები, სისხლში თრომბოციტების რაოდენობის შემცირება (თრომბოციტოპენია).
უკუჩვენება:
ალერგიული რეაქციები, ფეხმძიმობის ბოლო ტრიმესტრი, ლაქტაცია, კუჭის და თორმეტგოჯას ქრონიკული დაავადებები, სისხლდენისადმი მომეტებული მიდრეკილება, ანტიკოაგულანტებთან ერთდროული დანიშვნა.
შენიშვნა:
პრეპარატი არ ინიშნება ბავშვებში და 15 წლამდე ასაკის მოზარდებში.
“ნეოსპირინი+C”_ს ტაბლეტების გამოყენება არ შეიძლება ბავშვებში რეის სინდრომის განვითარების საშიშროების გამო.
მიღების წესი და დოზირება:
შუშხუნა ტაბლეტი მიღების წინ უნდა გაიხსნას 100მლ თბილ წყალში.
მოზრდილებში რეკომენდებული დოზაა: პერორალურად 1-2 ტაბლეტი 3_ჯერ დღეში. მოზარდებში 15 წლიდან: 3/4-1 ტაბლეტი 3_ჯერ დღეში.
გამოშვების ფორმა: 10 შუშხუნა ტაბლეტი პოლიმერული მასალისგან დამზადებულ ტუბში მჭიდროდ მორგებული თავსახურით. ტუბზე ეკვრება ეტიკეტი და თავსდება მუყაოს კოლოფში ინსტრუქციასთან ერთად.
ვარგისიანობის ვადა: 3 წელი.
შენახვის პირობები: ინახება მშრალ, გრილ, სინათლისგან დაცულ და ბავშვებისთვის მიუწვდომელ ადგილზე.
გაცემის წესი: ურეცეპტოდ.
