ელექტროენცეფალოგრაფია (ეეგ)
ელექტროენცეფალოგრაფია (ეეგ) არის თავის ტვინის ფუნქციური მდგომარეობის კვლევის მეთოდი, რომლის დახმარებითაც ხდება თავის ტვინის ქერქის აქტივობის შეფასება .
ნევროლოგიაში ელექტროენცეფალოგრაფიულ (ეეგ) კვლევას ისეთივე ღირებულება გააჩნია, როგორც კარდიოლოგიაში ელექტროკარდიოგრაფიას (ეკგ).
ეეგ გამოიყენება სხვადასხვა ნევროლოგიური დაავადებების დიაგნოსტიკისა და მართვის დროს.
რა არის ელექტროენცეფალოგრაფიის დანიშვნის ჩვენებები:
- დადგენილი ეპილეფსიური გულყრებიანეჭვიეპილეფსიაზე;
- ძილის დარღვევები;
- გონების კარგვის ეპიზოდები;
- მეხსიერების დაქვეითება;
- თავის ხშირი ტკივილი, თავბრუსხვევა;
- შეკრთომები, წამიერი გათიშვები;
- პანიკური შეტევები;
- ქალა - ტვინის ტრავმა;
- თავის ტვინის მოცულობითი წარმონაქმნები;
- ინტრაკრანიალური, სუბდურული, ეპიდურული სიხლჩაქცევა;
- თავის ტვინის ინსულტი(ჰემორაგიული და იშემიური).
ეეგ კვლევა მნიშვნელოვანია ეპილეფსიის მკურნალობის პერიოდშიც, რათა გაკონტროლდესპაციენტისმკურნალობისშედეგები და საჭიროებისამებრ მოხდეს ანტიკონვულსანტის დოზის კორექცია.
ILAE-მიერ ეეგ კვლევა ჩართულია აუცილებელ კვლევათა ნუსხაში . ეეგ-ს გარეშე ეპილეფსიის კლინიკური დიაგნოზის საბოლოო დადასტურება შეუძლებელია!
თავის ტვინის სტრუქტურული დაზიანება მნიშვნელოვნად ცვლის ელექტროენცეფალოგრაფიის სურათს. განსაკუთრებით, თავის ტვინის სიმსივნე, ინსულტი, ტრავმული დაზიანება, სისხლჩაქცევები თავის ტვინში და მის გარსებში. აღნიშნული პრობლემის დროს შეიძლება გაჩნდეს ეეგ-ზე პათოლოგიური ცვლილებები, მათ შორის, გაიზარდოს თავის ტვინის ქერქის პაროქსიზმული აქტივობა. ნევროლოგის დროული კონსულტაცია ეეგ კვლევასთან ერთად პაციენტს დაეხმარება შესაძლო გართულებების თავიდან აცილებაში.
ელექტროენცეფალოგრაფია(ეეგ) მეხსიერების დაქვეითების დიაგნოსტიკაში:
ეეგ მეხსიერების დაქვეითების დროს აქტიურად გამოიყენება. ბოლო პერიოდში მნიშვნელოვნად გაიზარდა კოგნიტური დარღვევები, მათ შორის, დემენციით დაავადებულთა რიცხვი, რომლის დროსაც ეეგ-ზე ვლინდება ბიოპოტენციალების დაქვეითებული აქტივობა. მსგავსი ხასიათის ცვლილებები გვხვდება თავის ტვინის ჰიპოქსიური დაზიანების დროს. პროცესის პროგრესის შეჩერებისა და სწორი მკურნალობის სამართავად ელექტროენცეფალოგრაფია მნიშვნელოვან როლს თამაშობს.
აქვს თუ არა ეეგ-ს უკუჩვენება:
ელექტროენცეფალოგრაფიას უკუჩვენება პრაქტიკულად არ გააჩნია, კვლევა ტარდება ბავშვებსა და ორსულებში.
ერთადერთი, რაც მის ჩატარებას ზღუდავს, არის თავის ზედაპირზე ტრავმის, ან ოპერაციის შემდგომი შეუხორცებელი ჭრილობის არსებობა.
ეეგ კვლევა ტარდება ბოლო თაობის ხელოვნური ინტელექტის მქონე ავსტრიულ “SURPASS-EMS Biomedical” აპარატით!
ჩასაწერად დაგვიკავშირდით: +995 577 119 119 ან +995 322 02 25 25
დროული დიაგნოსტიკა გამოჯანმრთელების საწინდარია!
გისურვებთ ჯანმრთელობას.
დაგვირეკეთ
