კითხვა: გამარჯობა! ორი კვირაა, მენსტრუაცია გადამიცდა..3-ჯერ გავიკეთე ორსულობის ტესტი რამდენიმედღიანი ინტერვალით და პასუხი სამივეჯერ უარყოფითი იყო.. წინა თვეებში გადაცდენა, თითქმის, არ მქონდა, არც რამე განსაკუთრებული ჩივილები.. ბოლო რამდენიმე დღეა, მუცლის ქვედა ნაწილში პერიოდულად სუსტ ტკივილს ვგრძნობ.. ამავდროულად, მაქვს თეთრად შლა, ბოლო ორი კვირის განმავლობაში უხვად მქონდა, ზოგჯერ სქელი კონსისტენციის იყო,ზოგჯერ კი წყლისებური.. განსაკუთრებული ფერი და სუნი არ ჰქონდა..ახლა თავისით შემიმცირდა. ვგრძნობდი ვაგინალურ წვას და მცირე ქავილს ზოგჯერ, მაგრამ ესეც,თითქმის, გამიქრა. არ ვყოფილვარ გაციებული და არც რამე განსაკუთრებული სტრესი არ განმიცდია. ვაპირებ თქვენს კლინიკაში გინეკოლოგთან ვიზიტს, მაგრამ იქნებ მანამდე მითხრათ, რისი ბრალი შეიძლება იყოს და რა სახის გამოკვლევები მჭირდება. მადლობა წინასწარ.
პასუხი:
მოგესალმებით,
მიმოწერის რეჟიმში ვერ განვსაზღვრავთ რა არის არარეგულარული ციკლის მიზეზი. ორსულობის დასადასტუებლად საჭიროა კლინიკური ან ლაბორატორიული კვლევა, ვენურ სისხლში ქორიონული გონადოტროპინის განსაზღვრით ან სამეანო–ულტრაბგერითი გამოკვლევით.
საშოს ტკივილისა და ქავილის მრავალი გამომწვევი მიზეზი არსებობს, მათ შორისაა:
- რძიანა – სოკოვანი ინფექცია, რომელიც საშოზე მოქმედებს;
- ბაქტერიული ვაგინოზი- საშოს ბაქტერიული ინფექცია;
- გონორეა ან ქლამიდია - სქესობრივი გზით გადამდები ინფექციები, რომლებიც ბაქტერიითაა გამოწვეული;
- გენიტალური ჰერპესი - სქესობრივი გზით გადამდები ინფექცია, რომელიც მარტივი ჰერპესის ვირუსითაა გამოწვეული.
არომატული საპნების, ქაფიანი აბაზანების და საშხაპე გელების ზედმეტმა გამოყენებამ ასევე შეიძლება, გამოიწვიოს ანომალური გამონადენი საშოდან.
ზუსტი დიაგნოსტირებისათვის შემოგთავაზებთ სრულ კომპლექსურ გინეკოლოგიურ კვლევებს, ვრცლად იხილეთ ბმულზე: https://kirurgia.ge/full-article/chaitaret-sruli-ginekologiuri--gamokvleva-191-laris-nacvlad-75-larad/26396
სხვა დამატებითი ინფორმაციის მისაღებად დაგვიკავშირდით, საკონტაქტო ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!
გამოაგზავნეთ შეკითხვა
