კითხვა: გამარჯობა . მე გაწუხებთ ისრაელიდან .. მოგეხსენებათ ასეთი ჩაკეტილობის პირობებში ვერ ჩამოვდივარ რომ ჩემს დედიკოს მივხედო .. თვითონ ისეთია ექიმთან მისვლა რომ არ უყვართ ... ამ დროს ვხედავ რომ სჭირდება გამოკვლევა .. მე მაქვს ასეთი შეკითხვა .. დედა არის 67 ცლის .. მას აქვს გაკეთებული 20 წლის წინ ჩიყვის ოპერაცია.. იღებდა ეუთიროქს გარკვეული დროით .. შენდეგ რაღაც პერიოდი შეუწყვიტა ექიმმა აღარ იყო საჭირო .. დედას ბოლო პერიოდი ყელის და პირის სიმშრალე აქვს .. ის ხნის რომ ისეთი სიმშრალე აქვს ყელის და პირის თითქოს ბრეზენტი აქვს გამოკრული ( ბოდიშით ასეთი შედარებისთვის ) ის თვითონ ასე მიხსნის, წყალს სვავს პერიოდულად რომ დაეხმაროს .. აბობს რომ ღამე არ აძინებს ისე ახჩობს .. წუხელის მთელი ღამე გაა თენა და ასეთი ღამეები ამ ბოლო დროს ხშირდება .. ამ ორი კვირის წინ იყო ექიმთან და ეუთიროქსი დაუნიშნიათ დაბალი დოზით .. კუდევ იღებს ხოლესტერინისთვის წამალს ( დავაზუსტებ რა წანალია და მოგწერთ ) და კიდევ იღებს დღეში ერთხელ წნევის რეგულატორს , და კიდევ ხელების დაბრუჟებისთვის წამალს .. ბოდიშს ვიხდი რომ არ ვიცი კონკრეტული წამლის სახელები .. დავაზუსტებ და მოგწერთ .. თუ შეიძლება იქნებ ამიხსნათ რის გამო შეიძლება იყოს დედიკოს ასეთი მდგომარეობა , და კიდევ მითხრა რომ წონაში იკლებს ეს ბოლო პერიოდია .. უღრმესი მადლობა ... ველი პასუხს ..
პასუხი:
მოგესალმებით,
თქვენთვის განკუთვნილ პასუხში იხილავთ შემდეგ ინფორმაციას:
- რა იწვევს პირის სიმშრალეს;
- რა არის ფარინგიტი;
- რეკომენდაცია.
მოგახსენებთ, რომ პირის ღრუს ლორწოვანი გარსის გამოშრობა შეუძლია ასობით პრეპარატს, რომლებსაც იყენებენ კუჭ-ნაწლავის ტრაქტისა თუ გულ-სისხლძარღვთა სისტემის დაავადებების, დეპრესიისა და სხვა ფსიქიკური დარღვევების, ალერგიის სამკურნალოდ, პრეპარატები ნერწყვს ხდის უფრო სქელს და ბლანტს, რაც იწვევს პირის სიმშრალეს.
ასეევე, ყელის სიმშრალე, შეიძლება იყოს ფარინგიტის სიმპტომი, რომლის მიზეზის დადგენა დისტანციურად შეუძლებელია.
ფარინგიტი
ეს არის ხახის ლორწოვანი გარსის ანთება, რომლისთვისაც დამახასიათებელია:
- ხახის ფხაჭნისა და წვის შეგრძნება;
- სიმშრალე;
- ყლავის გართულება;
- სუსტი ტკივილი ყლაპვის დროს.
მის წარმოშობაში მნიშვნელოვან როლს თამაშობს ნივთიერებათა ცვლის მოშლ, მკურნალობა კი, კონსერვატიული და ადგილობრივია. იგი უმთავრესად კლინიკური სიმპტომების მოხსნას გულისხმობს, რისთვისაც, უპირველეს ყოვლისა, მათი გამომწვევი მიზეზების აღმოფხვრაა საჭირო.
რჩევის სახით, მოგცემთ რამდენიმე რეკომენდაციას:
- პაციენტი ერიდოს ცივ და გაზიან სასმელებს;
- ცხარე, მლაშე და ცივ საკვებს;
- არ არის სასურველი, რძისა და სახამებლის პროდუქტების მიღება;
- 100 გ ახალგამოწურულ სტაფილოს წვენს შეურიეთ ერთი სუფრის კოვზი თაფლი და მიიღეთ ერთი სადილის კოვზი დღეში 4-5-ჯერ;
- განსაკუთრებით სასარგებლოა ქაცვის ზეთის, წვენისა და ნაყოფის მიღება.
გასაგებია პაციენტის ზოგადი შეხედულება, თუმცა, მისი მდგომაროება საჭიროებს სპეციალისტის ჩართულობას და უნდა დაარწმუნოთ, რომ გაიაროს კონსულტაცია, რათა თავიდან აირიდოს ჯანმრთელობის მდგომარეობის მკვეთრი გაუარესება.
აუცილებელია, პათოლოგიის დროული და სწორი ლიკვიდირება. ამ მიზნით კი, პაციენტს შეუძლია, მობრძანდეს „ქირურგიის ეროვნულ ცენტრში“ სადაც დახმარებას გაგიწევთ ექიმი-სპეციალისტი, ქალბატონი რუსუდან კონცელიძე.
პირხახის ინსტრუმენტული დათვალიერების შემდეგ, დადგინდება ჩივილის გამომწვევი მიზეზი და დედათქვენს დაენიშნება მკურნალობა.
ასევე, გირჩევთ დიაგნოსტირებასა და მკურნალობაში ჩაერთოს როგორც ენდოკრინოლოგი, ისე კარდიოლოგი.იმავდროულად ,შესაძლოა საჭირო გახდეს ფარისებრი ჯირკვლის ექოსკოპიური გამოკვლევა.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/shekitxva-eqims/oto%E2%80%93rino%E2%80%93laringologia/28
სხვა დამატებითი ინფორმაციის მისაღებად დაგვიკავშირდით, საკონტაქტო ნომერზე 577 119 119 ან 2 02 25 25.
გმადლობთ, რომ გვენდობით, გისურვებთ ჯანმრთელობას!
გამოაგზავნეთ შეკითხვა
