ჰარტმანის ხსნარი
სავაჭრო დასახელება: ჰარტმანის ხსნარი
საერთაშორისო არაპატენტირებული დასახელება ან ჯგუფის დასახელება:
ნატრიუმის ლაქტატის რთული ხსნარი (კალიუმის ქლორიდი+კალციუმის ქლორიდი+ნატრიუმის ქლორიდი+ნატრიუმის ლაქტატი)
სამკურნალწამლო ფორმა: საინფუზიო ხსნარი.
შემადგენლობა
1000მლ ხსნარი შეიცავს: მოქმედი ნივთიერება: ნატრიუმის ქლორიდი 6.020გ, კალიუმის ქლორიდი 0,373გ, კალციუმის ქლორიდი 0,294გ, ნატრიუმის ლაქტატი 6,276;
დამხმარე ნივთიერებები: ქლორწყალბადმჟავა pH-ით 5,5-6,3, საინექციო წყალი, რაც შეესაბამება ნატრიუმს (Na+)-131,0 მმოლ/ლ, კალიუმს (K+)-5,0 მმოლ/ლ, კალციუმს (Ca2+)-2,0 მმოლ/ლ, ქლორს (Cl-)-112,0, მმოლ/ლ, ლაქტატს-28,0მმოლ/ლ.
თეორიული ოსმოლარობა: 278 მოსმ/ლ.
აღწერა
უფერო გამჭვირავლე ხსნარი.
ფარმაკოთერაპიული ჯგუფი: ელექტროლიტური ბალანსის აღმდგენი საშუალება.
ათქ კოდი: [B05BB01].
ფარმაკოლოგიური მახასიათებლები
ჰარტმანის ხსნარი შემადგენლობით და ოსმოლარობით შეესაბამება უჯრედგარე სითხეს. ამიტომ გამოიყენება უჯრედგარე სითხისა და ელექტროლიტების ასანაზღაურებლად, ასევე მჟავა-ტუტოვანი ბალანსის რეგულირებისთვის. თეორიულად ჰარტმანის ხსნარი უკეთესია ნატრიუმის ქლორიდის იზოტონურ საინფუზიო ხსნაეზე, იმიტომ, რომ უზრუნველყოფს სამი მნიშვნელოვანი კათიონის (Na+, K+ და Ca2+)-ს უჯრედგარე სითხეში შევსებას. ლაქტატი მეტაბოლიზდება ორგანიზმში ბიკარბონატად, ამიტომ ხსნარს აქვს დამატუტიანებელი მოქმედება.
მიღების ჩვენება
ჰიპოვოლემია და გამოხატული დეჰიდრატაცია ნორმალური მჟავა-ტუტოვანი მდგომარეობის ან სუსტი აციდოზისას, მათ შორის წყლისა და ელექტროლიტების დეფიციტის აღდგენისთვის მძიმე ღებინების ან დიარეის შემდეგ, ვრცელი დამწვრობების შემდეგ, პერიტონიტის, მძიმე იფნექციებისას.
ექსტრაცელური სითხის მოცულობის შენარჩუნება ქირურგიულ ჩარევამდე და მის შემდეგ, რაც იძლევა ჰემოტრანსფუზიის დროებით გადადების საშუალებას;
მკურნალობის საწყისი ეტაპი მნიშვნელოვანი სისხლდანაკარგისას, შოკის, ტრავმებისას.
უკუჩვენება
მომატებული მგრძნობელობა, ჰიპერვოლემია, ჰიპერტონული დეჰიდრატაცია, ჰიპერკალიემია, ჰიპერნატრიემია, არტერიული ჰიპერტენზია, გულის ან/და თირკმლის უკმარისობა, ჰიპერქლორემია, ალკალოზი, ღვიძლის უკმარისობა (ჰიდროკარბონატის ან ლაქტატის წარმოქმნის დაქვეითება), ჰიპერლაქტაციდემია.
სიფრთხილით_სუნთქვის უკმარისობა, მწვავე დეჰიდრატაცია, ჰიპოპროტეინემია, გლუკოკორტიკოსტეროიდებით და კორტიკოსტეროიდებით თანმხლები თერაპია.
მიღება ორსულობისა და ლაქტაციის პერიოდში
ორსულობის პერიოდში იყენებენ ისეთ შემთხვევებში, როცა მოსალოდნელი სარგებელი დედისთვის, აჭარბებს ნაყოფზე მოქმედების შესაძლო რისკს. პრეპარტის მიღებისას საჭროა ძუძუთი კვებისგან თავის შეკავება, შესაბამისი კლინიკური მონაცემების არარსებობის გამო.
გამოყენების მეთოდი და დოზები
საერთო რაოდენობის დანიშვნა დამოკიდებულია ავადმყოფის კლინიკურ მდგომარეობაზე. გამოიყენება 2500მლ-მდე დღეში ინტავენური ინფუზიის სახით, საშუალო სიჩქარით 60წვეთი/წუთში, 2,5მლ/კგ/სთ., გადაუდებელი მდგომარეობებისას გადასხმის სიჩქარე შეიძლება გაიზარდოს 100 წვეთამდე წუთში.
საშუალო სადღეღამისო დოზა მოზრდილებისთვის - 1ლ, ბავშვებისთვის - 20-30 მლ/კგ.
პირველი 24 საათის განმავლობაში აუცილებელია სითხის დღე-ღამური მოთხოვნილების უზრუნველყოფა, პლიუს დეფიციტის ნახევარი, შემდეგი 2 დღის განმავლობაში 1/4¼ ნაწილი დეფიციტური სითხისა. ადრე დაკარგული სითხის საერთო დეფიციტი აღდგება 72 საატის განმავლობაში. ადრე დაკარგული სითხის ანაზღაურებისას აუცილებელია იმ დანაკარგის გათვალისწინება, რომელიც მიმდინარეობს და მისი აღდგენა.
გვერდითი მოქდმედება.
ჰიპერვოლემია, ჰიპერჰიდრატაცია, ჰიპერქლორემია; თრომბოფლებიტი; შფოთვა; ალერგიული რეაქციები.
ურთიერთქმედება სხვა სამკურნალო საშუალებებთან
შესაძლოა ორგანიზმში ნატრიუმის შეკავების გაძლიერება შემდეგ სამკურნალწამლო საშუალებებთან ერთად მიღებისას: არასტეროიდული ანთების საწინააღმდეგო პრეპარატები, ანდროგენები, ანაბოლური ჰორმონები, ესტროგენები, კორტიკოტროპინი, მინერალკორტიკოიდები, ვაზოდილატატორები ან განგლიობლოკატორები.
კალიუმდამზოგველ დიურეზულებთან, აგფ ინჰიბიტორებთან და კალიუმის პრეპარატებთან ერთად მიღებისას იზრდება ჰიპერკალიემიის განვითარების რისკი.
საგულე გლიკოზიდებთან კომბინაციაში იზრდება მათი ტოქსიკური ეფექტების შესაძლებლობა.
ატუტიანებს შარდს და აფერხებს ტუტე რეაქციის მქონე პრეპარატების გამოყოფას. აჩქარებს Lი+ და სალიცილატების გამოყოფას.
განსაკუთრებული მითითებები:
გამოიყენება პლაზმის მოცულობის შენარჩუნებისთვის ფიზიოლოგიურ საზღვრებში გადაუდებელი მდგომარეობებისას.
მიღება რეკომენდებული არ არის Na+, K+ და Ca2+-ს გამოხატული დეფიციტისას.
დიდი მოცულობით მიღებისას საჭიროა მჟავა-ტუტოვანი მდგომარეობის კონტროლი. ჭარბი დოზირების შემთხვევაში ჩვეულებრივ საკამრისია შეყვანის შეწყვეტა.
თირკმლის უკმარისობისას შეიძლება გამოიყენონ ჰემოდიალიზი მჟავა-ტუტოვანი წონასწორობის უწყვეტი კონტროლით.
შეიძლება მხოლოდ დაუზიანებელი ფლაკონების გამოყენება გამჭვირვალე ხსნარით!
გამოშვების ფორმა
500მლ ხსნარი დაბალი სიმკვრივის პოლიეთილენის ფლაკონში, შტატივზე ჩამოსაკიდებლით, მარკირებული შკალით, რეზინისა და დაბალი სიმკვრივის პოლიეთილენის სახურავით, პირველი გახნისას კონტროლის რგოლით.
შენახვის პირობები
ინახება 15-25ºC ტემპერატურაზე.
ინახება ბავშვებისთვის მიუწვდომელ ადგილას.
ვარგისობის ვადა
3 წელი.
გამოყენება არ შეიძლება შეფუთვაზე მითითებული ვადის გასვლის შემდეგ.
აფთიაქიდან გაცემის პირობები
გაცემა რეცეპტით.
გამოიყენება მხოლოდ სამედიცინო დაწესებულებებში.
მწარმოებელი:
ჰეროფარმი, ა.დ სერბეთი
26300 ქ. ვრაშცი, ბეოგრადსკის გზა ბბ, სერბეთი
ტელ.: 13/803100, ფაქსი: 13/803424
წარმომადგენლობა რუსეთის ფედერაციაში, მომხმარებლების პრეტენზიების მიმღები ორგანიზაცია:
129272, ქ.მოსკოვი, ტრიფონოსვკის ქუჩა, სახლი 45ბ. ტელ. (495) 221-70-40, 221-70-46.
