საერთაშორისო დასახელება - იბუპროფენი
ათქ კლასიფიკაციის კოდი - M01AE01
კლინიკურ-ფარმაკოლოგიური ჯგუფი
პროპიონის მჟავასწარმოებული, არასტეროიდული, ანტირევმატოიდული, ანთების საწინააღმდეგო საშუალებები, გამოხატულია ანალგეზიური ეფექტით
შემადგენლობა და გამოშვების ფორმა
იბუპროფენი; ერთი ტაბლეტი შეიცავს: აქტიურ ნივთიერებას: 200 მგ იბუპროფენს.
დამხმარე ნივთიერებებს: ლაქტოზის მონოჰიდრატი, სიმინდის სახამებელი, პოვიდონი, მიკროკრისტალური ცელულოზა, დიმეტიკონი, ნატრიუმის კროსკარმელოზა, უწყლო სილიციუმის ოქსიდი, ტალკი, გასუფთავებული წყალი;
გარსის შემადგენლობა: ჰიპრომელოზა, მაკროგოლ 6000, ტალკი, ტიტანის დიოქსიდი, შემფერავი: Azorubine 85 E 122,
შემფერავი: Azorubine 85 E 122, დიმეტიკონი, გასუფთავებული წყალი.
წამლის ფორმა: ჟოლოსფერი , მრგვალი, ორმხრივამობურცული, შემოგარსული ტაბლეტები.
Azorubine არასტეროიდული ანთების საწინააღმდეგო საშუალებები, რომლებიც ახდენს გამაყუჩებელ და სიცხის დამწევ მოქმედებას. მოქმედების მექანიზმი განპირობებულია პროსტაგლანდინების ტკივილისა და ანთების მედიატორების ბიოსინთეზის დათრგუნვით, ასევე ცენტრალური მექანიზმით, რომელიც რეალიზდება ცენტრალურ ნერვულ სისტემაში პროსტალგანდინების სინთეზის დათრგუნვის ხარჯზე. პრეპარატი ამცირებს თრომბოციტების აგრეგაციას.
ჩვენებები:
სახსრებისა და ხერხემლის ანთებით-დეგენერაციული დაავადებები (მ.შ. რევმატიული და რევმატოიდული ართრიტი,მაანკილოზირებელი სპონდილიტი, ოსტეოართროზი), სახსრისმიერი სინდრომი პოდაგრის გამწვავებისას, ფსორიაზული ართრიტი, ტენდინიტი, ბურსიტი, რადიკულიტი, რბილი ქსოვილებისა და საყრდენ-მამოძრავებელი აპარატის ტრავმული ანთება. ნევრალგიები, მიალგიები, ტკივილის სინდრომი ყელ-ყურ-ცხვირის ორგანოების ინფექციურ-ანთებითი დაავადებებისას, ადნექსიტი, ალგოდისმენორეა, თავისა და კბილის ტკივილი. ცხელება ინფექციურ-ანთებითი დაავადებებისას.
უკუჩვენება:
კუჭ-ნაწლავის ტრაქტის ეროზიულ-წყლულოვანი დაავადება გამწვავების ფაზაში, ბრონქოსპაზმი, დაკავშირებული არასტეროიდული ანთების საწინააღმდეგო საშუალებების მიღებასთან, “ტრიადა” (ეოზინოფილური რინიტი, ცხვირის რეციდივირებული პოლიპოზი, ჰიპერპლაზიური სინუსიტი), მხედველობის ნერვის დაავადებები, სისხლწარმოქმნის დარღვევები, ჰემორაგიული დიათეზი, ორსულობის მესამე ტრიმესტრი, ლაქტაცია, თირკმლის და/ან ღვიძლის ფუნქციის გამოხატული დარღვევები, ჰიპერმგრძნობელობა იბუპროფენის ან სხვა არასტეროიდული ანთების საწინააღმდეგო საშუალებების მიმართ.
სიფრთხილე გამოყენებისას:
პრეპარატი ფრთხილად გამოიყენება გულის ქრონიკული უკმარისობისას. მკურნალობის პროცესში აუცილებელია ღვიძლისა და სისხლწარმოქმნის ფუნქციის, პერიფერიული სისხლის სურათის სისტემატიური კონტროლი. პრეპარატს არ გააჩნია ტერატოგენული მოქმედება, რაც შესაძლებელს ხდის მის გამოყენებას ორსულობის დროს, III ტრიმესტრის გარდა (აუცილებლობის შემთხვევაში). პაციენტებს, რომლებსაც აწუხებთ ბრონქული ასთმა, ქრონიკული ბრონქიტი, შესაძლოა მწვავე რეაქცია ჰქონდეთ პრეპარატზე (ასთმის შეტევები, ცხვირის ლორწოვანი გარსის შეშუპება და სხვ.).
საჭიროა თავის შეკავება სატრანსპორტო საშუალებების მართვისაგან, განსაკუთრებით იბუპროფენით თერაპიის ფონზე ალკოჰოლის გამოყენებისას.
ურთიერთქმედება სხვა სამკურნალო საშუალებებთან:
ერთდროული გამოყენებისას დიგოქსინთან, დიფენინთან, ლითიუმის პრეპარატებთან იბუპროფენმა შეიძლება შეცვალოს ზემოაღნიშნული პრეპარატების კონცენტრაცია. პრეპარატი ამცირებს შარდმდენი და ანტიჰიპერტენზიული საშუალებების მოქმედებას. კალიუმის შემნახველ დიურეზულ საშუალებებთან ერთდროული გამოყენებისას შესაძლებელია ჰიპერკალიემიის განვითარება. იბუპროფენის შეთავსებისას გლუკოკორტიკოსტეროიდებთან და სხვა არასტეროიდულ ანთების საწინააღმდეგო საშუალებებთან იზრდება გვერდითი ეფექტების განვითარების რისკი კუჭ-ნაწლავის ტრაქტის მხრივ. პროფენმა შეიძლება გაზარდოს მეთოტრექსატის კონცენტრაცია და ტოქსიკური ზემოქმედება ორგანიზმზე. აცეტილსალიცილის მჟავასთან ერთად გამოყენება ამცირებს პროფენის დონეს სისხლის პლაზმაში. პრეპარატი სიფრთხილით გამოიყენება კომბინაციაში არაპირდაპირ ანტიკოაგულანტებთან, თიაზიდურ დიურეზულ საშუალებებთან.
მიღების წესი და დოზირება:
მოზრდილებში: ჩვეულებრივ დღიურ დოზას შეადგენს 600მგ-1800 მგ. ექიმმა შესაძლოა გაზარდოს დოზა, დაავადებიდან გამომდინარე. მაგრამ დღიურმა დოზამ არ უნდა გადააჭარბოს 2400 მგ-ს.
ბავშვებში: ჩვეულებრივ დღიურ დოზას შეადგენს, სხეულის წონაზე გადაანგარიშებით, 20 მგ/კგ. პრეპარატის გამოყენება არ შეიძლება ბავშვებში, რომელთა წონა არ აღემატება 7კგ. ექიმმა შესაძლოა გაზარდოს პრეპარატის დოზა იუვენილური რევმატოიდული ართრიტის დროს, მაგრამ დოზამ არ უნდა გადააჭარბოს 40მგ/კგ-ზე, გაყოფილი დოზებად. დოზის გადაჭარბების სიმპტომები: პროფენის ჭარბი დოზის მიღების შემთხვევაში შესაძლებელია გამოვლინდეს: თავის ტკივილი, თავბრუსხვევა, მოძრაობათა შენელება, გონების დაკარგვა, ასევე ტკივილები მუცელში, ღებინება, გულისრევა. გარდა ამისა, შესაძლებელია განვითარდეს ჰიპოტენზია, სუნთქვის გართულება, ციანოზი.
მკურნალობა: სიმპტომურია. ჭარბი დოზის შემთხვევაში აუცილებელია კუჭის ამორეცხვა და ექიმთან მიმართვა.
გვერდითი ეფექტები.
საჭმლის მომნელებელი სისტემის მხრივ: ხშირად ღებინება, ანორექსია, გულისრევა, დისკომფორტი ეპიგასტრიუმის არეში, დიარეა; შესაძლებელია კუჭ-ნაწლავის ტრაქტის ეროზიულ-წყლულოვანი დაავადების განვითარება; იშვიათად – სისხლდენები საჭმლის მომნელებელი ტრაქტიდან; ხანგრძლივი გამოყენებისას შესაძლებელია ღვიძლის ფუნქციის დარღვევები.
ცენტრალური ნერვული სისტემის მხრივ: თავბრუსხვევა, ძილის დარღვევა, ძილიანობა, მხედველობითი და სმენითი აღქმის დარღვევა.
სისხლწარმოქმნის სისტემის მხრივ: ხანგრძლივი გამოყენებისას შესაძლებელია თირკმელის ფუნქციის დარღვევა, ჰიპერკალიემია, ჰიპერურიკემია, აზოტემია. ალერგიული რეაქციები: ხშირად – გამონაყარი კანზე, ბრონქოსპაზმი.
შენახვის პირობები და ვადა:
ინახება არ აუმეტეს 25°C ტემპერატურაზე, მშრალ, ბავშვებისთვის მიუწვდომელ ადგილას, ორიგინალი შეფუთვით.
ვარგისობის ვადა არის 3 წელი.
შეფუთვაზე მითითებული ვარგისობის ვადის გასვლის შემდეგ პრეპარატის გამოყენება არ შეიძლება.
აფთიაქში გაცემის წესი
ფარმაცევტული პროდუქტის ჯგუფი III (გამოყენება შესაძლებელია ექიმის დანიშნულების გარეშე)
მწარმოებელი ფირმა, ქვეყანა REPLEK FARM Ltd Skopje, R. Macedonia
