ქსანტინოლის ნიკოტინატი
ზოგადი დახასიათება:
ქიმიური დასახელება: 7-(2-ოქსი-3-(N-მეთილ-β-ოქსიეთილამინო)-პროპილ-თეოფილინის ნიკოტინატი;
ძირითადი ფიზიკო-ქიმიური თვისებები:
თეთრი ან მოთეთრო ფერის ტაბლეტები;
შემადგენლობა:
1 ტაბლეტი შეიცავს:
ქსანტინოლის ნიკოტინატს-0,15გ-ს;
დამხმარე ნივთიერებები: სიმინდის სახამებელი, პილივინილპიროლიდონი, რძის შაქარი, კალციუმის სტეარატი.
გამოშვების ფორმა:
ტაბლეტები
ფარმაკოლოგიური ჯგუფი:
სპაზმოლიზური საშუალება
ფარმაკოლოგიური თვისებები:
ქსანტინოლის ნიკოტინატის აქტიური კომპონენტები _ თეოფილინი და ნიკოტინის მჟავა _ უშულოდ მოქმედებენ სისხლძარღვებზე; ნიკოტინის მჟავა იწვევს ენდოგენურ პროსტაციკლინის გამოთავისუფლებასთან დაკავშირებულ ვაზოდილატაციას, თეოფილინი იწვევს სისხლძარღვების გლუვი კუნთების დილატაციას. იგი ხელს უწყობს პერიფერიული სისხლძარღვების დილატაციას, აუმჯობესებს პერიფერიულ კოლატერულ და თავის ტვინში სისხლმიმოქცევას, ამცირებს ცერებრული ჰიპოქსიის მოვლენებს, აუმჯობესებს მიკროცირკულაციას თვალის ბადურაში. პრეპარატი იწვევს ფიბრინოლიზის პროცესების აქტივაციას, ამცირებს სისხლის სიბლანტეს, ამცირებს თრომბოციტების აგრეგაციას, აუმჯობესებს მეტაბოლურ პროცესებს თავის ტვინში პოსტოპერაციულ პერიოდში. ხანგრძლივი გამოყენებისას პრეპარატს გააჩნია ანტიათეროსკლეროზული მოქმედება, ამცირებს ქოლესტერინის და ათეროგენული ლიპოპროტეინების კონცენტრაციას, იწვევს ლიპოპროტეინლიპაზას აქტივობის მომატებას.
ფარმაკოკინეტიკა:
პრეპარატი პერორალური მიღებისას სწრაფად შეიწოვება საჭმლისმომნელებელ ტრაქტში, თანაბრად ნაწილდება ყველა ორგანოში და ქსოვილებში. დისოცირდება ქსანტინოლის და ნიკოტინის მჟავას წარმოქმნით. პრეპარატი ინაქტივაციას განიცდის ძირითადად N-მეთილირების გზით, ნაკლები ხარისხით _კონიუგირების გზით; ბიოტრანსფორმაციის პროდუქტები ექსკრეტირდება შარდთან ერთად.
გამოყენების ჩვენებები:
ქვედა კიდურების სისხლძარღვების მაობლიტირებელი ათეროსკლეროზი,
ხანგამოშვებითი კოჭლობა, რეინოს დაავადება, პერიფერიული სისხლძარღვების სკლეროზი, დიაბეტური ანგიოპათია, რეტინოპათია, ანგიონევროპათია, აკროციანოზი, თრომბოფლებიტი, სისხლძარღვების თრომბოზი და ემბოლია, შაკიკი, თავის ტვინის სისხლმიმოქცევის ათეროსკლეროზული დარღვევები, კორონარული სისხლძარღვების ათეროსკლეროზი, ჰიპერქოლესტერინემია, ჰიპერტრიგლიცერიდემია, აგრეთვე თავის ტვინის სიმსივნეების ამოკვეთის პოსტოპერაციული პერიოდი, მენიერის დაავადება,
ქვედა კიდურების ცუდად შეხორცებადი ტროფიკული წყლულები.
დოზირება და მიღების წესი:
ქსანტინოლ ნიკოტინატის ტაბლეტები ინიშნება პერორალურად ჭამის შემდეგ, დაწყებული 1ტაბ-ით 3-ჯერ დღეში. აუცილებლობის შემთხვევაში შესაძლებელია დოზის გაზრდა 2-3 ტაბ.-მდე 3-ჯერ დღეში. ტაბლეტებს ყლაპავენ დაუღეჭავად. მდგომარეობის გაუმჯობესებისას დოზა მცირდება ერთ ტაბლეტამდე 2-3 ჯერ დღეში. მკურნალობის კურსი, როგორც წესი, შეადგენს 2 თვეს. ქსოვილების სისხლმომარაგების მწვავე უკმარისობის, თავის ტვინში და პერიფერიული სისხლმიმოქცევის მწვავე დარღვევის დროს უპირატესობა ენიჭება პრეპარატის საინექციო ფორმას.
გვერდითი მოვლენები:
შესაძლებელია თავბრუსხვევა, გულისრევა, დისპეფსიური მოვლენები, ცხელების შეგრძნება, სხეულის ზედა ნაწილში კანის ჰიპერემია და ჩხვლეტის შეგრძნება, განსაკუთრებით ყელის და თავის არეში, სიმძიმის შეგრძნება თავის არეში. აღნიშნული სიმპტომები ძირითადად 10-20 წუთის შემდეგ გაივლის და სპეციალურ მკურნალობას არ საჭიროებს. მაგრამ პრეპარატის განმეორებითი მიღებისას მათი გამოვლინება წარმოადგენს მკურნალობის გაგრძელების წინააღმდეგჩვენებას.
უკუჩვენებები:
მწვავე სისხლდენა, გულის უკმარისობა IIБ-III ხარისხის, მიოკარდიუმის მწვავე ინფარქტი, გულის უკმარისობის მწვავე დეკომპენსაცია, გულის მარცხენა მიტრალური სარქვლის სტენოზი, ტრანზიტორული ჰიპერტენზია, კუჭისა და 12-გოჯა ნაწლავის პეპტიური წყლული.
ურთიერთქმედება სხვა სამკურნალო საშუალებებთან:
პრეპარატის ერთდროული დანიშვნა ბეტა-ადრნობლოკატორებთან, მაო-ს ინჰიბიტორებთან, განგლიობლოკატორებთან, სიმპათოლიზურ საშუალებებთან და სტროფანტინთან რეკომენდებული არ არის.
ჭარბი დოზირება:
პრეპარატის დიდი დოზებით ხანგრძლივი გამოყენებისას შესაძლებელია გლუკოზის მიმართ ტოლერანტობის განვითარება, სისხლის შრატში ტრანსამინაზების, ტუტე ფოსფატაზას, შარდმჟავას კონცენტრაციის მაჩვენებლების მომატება.
გამოყენების თავისებურებები:
პრეპარატი სიფრთხილით ინიშნება ავადმყოფებში არტერიული წნევის ლაბილური ფორმის, ორსულობის (განსაკუთრებით I ტრიმესტრი); ჰიპოტენზიურ საშუალებებთან (ბეტა-ადრენობლოკატორების, ჭვავის რქის ალკოლოიდების, ალფა-ადრენობლოკატორების, სიმპათოლიზური საშუალებების, განგლიობლოკატორებს) ერთდროული გამოყენების დროს.
შენახვის პირობები და ვადები:
სინათლისაგან დაცულ ადგილას. ვარგისიანობის ვადა-3 წელი.
გაცემის წესი:
რეცეპტით
შეფუთვა:
10 ტაბლეტი კონტურულ შეფუთვაში.
მწარმოებელი და მისი მისამართი:
”ბორშაგოვსკის ქიმიურ-ფარმაცევტული ქარხანა”
უკრაინა,კიევი-134, გამარჯვების ქ.17.
