აპენდექტომია - ქირურგია

მოგესალმებით,
აპენდიციტი ყველაზე გავრცელებული ქირურგიული დაავადებაა –მოსახლეობის 35-40%-თან გვხვდება.
აპენდიციტი ჭიაყელა დანამატის მწვავე ანთებაა, რომელსაც დანამატის სანათურის დახშობა იწვევს. თავად სანათურს უმეტესად განავლოვანი ქვები ახშობს, იშვიათად – ჰელმინთები და უცხო სხეული.
აპენდიციტი გაურთულებელიც შეიძლება იყოს და გართულებულიც – გააჩნია, დროულად დაისმება თუ არა დიაგნოზი და დაიწყება თუ არა მკურნალობა.
თუ კომპლექსურმა გამოკვლევამ მწვავე აპენდიციტი დაადასტურა, იწყება წინასაოპერაციო მომზადება, ვინაიდან ქირურგიული ჩარევა, ანთებადი ჭიანაწლავის ამოკვეთა, მწვავე აპენდიციტის მკურნალობის ერთადერთი გზაა.
აპენდექტომია ორგვარია – ღია და ლაპარასკოპიული.
მიუხედავად იმისა, რომ აპენდექტომია ერთ-ერთი ყველაზე მარტივი ქირურგიული ოპერაციაა, გართულების რისკი მასაც ახლავს თან.
გაურთულებელ შემთხვევაში, აპენდექტომიის შემდეგ მუცელი ყრუდ იხურება, ხოლო თუ აპენდიქსმა პერფორაცია განიცადა – მისი მთლიანობა დაირღვა და განვითარდა ჩირქოვანი ადგილობრივი ან გავრცობილი პერიტონიტი, ტარდება მუცლის ღრუს დრენირება.
ქირურგიული მკურნალობის ღირებულება დამოკიდებულია ზოგად მდგომარეობაზე, ხომ არ არის აბსცესი, განვითარებულია თუ არა პერიტონიტი, საჭიროა თუ არა დრენირება და ა.შ.
ზოგადად აპენდექტომიის ღირებულება 770 ლარიდან – 2500 ლარამდე ვარირებს.
ამ ნიუანსების დასაზუსტებლად და მკურნალობის მეთოდის შესარჩევად, შეგიძლიათ მობრძანდეთ ქირურგთან უფასო კონსულტაციაზე, რომელიც ტარდება ყოველ ხუთშაბათს.
ექიმი ვიზიტისას შეკრებს ანამნეზს, გაგსინჯავთ და მოგაწვდით ამომწურავ ინფორმაციას, თქვენთვის საინტერესო ყველა კითხვაზე.
გაცნობებთ, რომ უფასო კონსულტაციის მისაღებად, აუცილებელია წინასწარ ჩაწერა, საკონტაქტო ნომერზე 577 119 119 ან 2 02 25 25.
გმადლობთ, რომ გვენდობით, გისურვებთ ჯანმრთელობას !