კითხვა: მოგესალმებით კლინიკის მაღალკვალიფიციურ სპეციალისტებს! იმედია არ დაგვზარდებით გვიპასუხოთ კითხვაზე, რაც აინტერესებს ათასობით ადამიანს. ყველამ ვიცით , თუ რამდენად პრობლემურია ადამიანების ჯანმრთელობისთვის ჰიპერტონია . მისი მურნალობის საკითხი შეეხება ადამიანთა დიდ ნაწილს. თქვენთვის ცნობილი იქნება, რომ აჟამად ინტერნეტით ფართოდ ვრცელდება ჰიპერტონიის სამკურნლო საშუალებათა - ჰიპერტონიუმის, ნორმალიფეს, პიპოლიფეს რეკლამა და ანტირეკლამა. ადამიანები დაბნეულები ვართ, არ ვიცით, თუ ვის ვენდოთ. ამასთან სახელმწიფო ორგანოები, რომლებიც ვალდებულნი არიან გაარკვიონ ხალხი სდუმან. პირადად მე ვერ მივიღე მათგან საჭირო პასუხი. ვიმემ ხომ უნდა გამოიყვნოს ადამიანები ამ სიბნელიდან. ეს საკითხი უთუოდ თქვენს კვალიფიციურ პასუხს ელოდება. მრავალი ადამიანის სახელით გთხოვთ , რომ გაგვარკვიოთ, შევიძინოთ თუ არა ეს წამლები. იმასაც გეტყვით, რომ მე ჰიპერტობიუმის ერთი კურსი შევიძინე და მივიღე, მაგრან ვერ ვიტყვი კმაყოფილი ვიყო. თქვენი კომპეტეყტური პასუხი წაადგება თქვენი კლინიკის რეიტინგსაც. გამართლებული იქნებოდა ამ საკითხზე ტელეგადაცემის მოწყობა. წინასწარ გიხდით მადლობას.
პასუხი:
მოგესალმებით,
გაგვიჭირდება თქვენს მიერ ჩამოთვლილ სამივე პრეპარატზე პასუხის გაცემა. თანამედროვე მედიცინაში მას ჰიპერტონიის სამკურნალოდ არ ვიყენებთ, რადგან არ არსებობს მათი ეფექტურობისა და უსაფრთხოების არცერთი კლინიკური, დადასტურებული დასკვნა.
სასურველია, პაციენტები უფრო მეტად გვენდობოდეთ ექიმებს. თუმცა, სამწუხაროდ „მოდურ ტენდენციად“ იქცა ყველანაირი სამკურნალო საშუალების ინტერნეტით გამოწერა.
რაც ყველაზე, ასე რომ ვთქვათ უვნებელ შემთხვევაში, მხოლოდ ტყუილი ხარჯით სრულდება.
არ გირჩევთ !
ისეთი მედიკამენტის გამოწერას, რომლის შესახებაც არ ფლობთ ინფორმაციას და მის შესახებ ანოტაციას ვერსად მოიძიებთ.
გირჩევთ !
მხოლოდ ისეთი მედიკამენტებით მკურნალობას, რომლებსაც გავლილი აქვთ კლინიკური კვლევების ყველა ეტაპი და მინიჭებული აქვთ შესაბამისი ლიცენზია.
ასეთ პრეპარატებზე ნებისმიერი კომპეტენტური ექიმი გაგიწევთ კონსულტაციას და გირჩევთ, სასურველია თუ არა თქვენთვის მისი გამოყენება.
უნდა გაითვალისწინოთ, რომ ჰიპერტენზიის სამკურნალო პრპეპარატები ძალიან მრავალფეროვანი სპექტრისაგან შედგება და პაციენტებს ენიშნებათ სპეციალისტის მიერ, რომელიც ითვალისწინებს კონკრეტული პაციენტის მდგომარეობის ყველა ნიუანსს და ასევე,პრეპარატის მიღებასთან დაკავშირებულ ყველა რისკფაქტორს.
ქირურგიის ეროვნული ცენტრის სახელით გისურვებთ ჯანმრთელობას !
გამოაგზავნეთ შეკითხვა
