კითხვა: გამარჯობა ორსულობის ბოლო თვეების შემდებ მტკივა კუდუსუნი.მშობიარობის მერე გამიარა ცოტა ხნით და 5 თვის შემდეგ ისევ დამეწყო.ჯდომის და სკამიდან ადგომის დროს ძალიან მტკივა ასევე მტკივა წელი და წვივის ძვალი.გავიკეთე ანთების საწინააღმდეგო არასტეროიდი 8 ნემსი ცოტა შვება ვიგრძენი მაგრამ მაინც ყრუთ მტკივა.არ ვიცი ვის მივმართო და რა გამოკვლევები გავიკეთო გთხოვთ დამეხმაროთ.რამ შეიძლება გამოიწვიოს ასეთი სახის ტკივილი?
პასუხი:
მოგესალმებით,
შესაძლოა საქმე ეხებოდეს ხერხემლის სვეტის, გავა–კუდუსუნის მიდამოს პათოლოგიას.
შესაძლოა კუდუსუნის ტკივილს ადგილი ჰქონდეს, მენჯის ძვლების, სწორი ნაწლავის, მცირე მენჯის უჯრედისის, მენჯის ფუძის კუნთების დაავადების დროს.
როგორც მოგვითხრობთ, ტკივილი თავს იჩენს ჯდომისას, ამიტომ ვფიქრობთ, შესაძლოა საქმე ეხებოდეს კოკციგოდინიას, რომელიც ჩნდება კუდუსუნის, ასევე გავისა და კუდუსუნის ნერვული წნულების ტრავმული და ანთებითი დაზიანებების შედეგად.
მიმოწერის რეჟიმში დიაგნოსტირება შეუძლებელია, ამიტომ შეგიძლიათ მობრძანდეთ ჩვენს კლინიკაში ნევროლოგთან უფასო კონსულტაციაზე, რომელიც ტარდება ყოველ პარასკევს.
ვიზიტისას თუ გამოკვეთება მაგნიტურ–რეზონანსული ტომოგრაფიით კვლევის საჭიროება, შემოგთავაზებთ ფასდაკლებას, ვრცლად იხილეთ ბმულზე: https://kirurgia.ge/article/15961/uprecedento-aqcia-mtliani-kherkhemlisa-da-zurgis-tvinis-kvleva.-magnitur-rezonansuli-tomografia
დამატებითი ინფორმაციისათვის და ჩასაწერად, დაგვიკავშირდით ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას !
გამოაგზავნეთ შეკითხვა
