კითხვა: ვარ 54 წლის...მენოპაუზის პერიოდში,ძალიან მაწუხებს ალები ,შესაბამისად ოფლიანობა.ღამე რამდენჯერ წამომაგდებს ლოგინიდან.ძალიან დიდ დისკომფორტს მიქმნის დღისითაც...იქნებ მირჩიოთ რამე?წინასწარ გიხდით მადლობას
პასუხი:
მოგესალმებით,
მენოპაუზა ის პერიოდია, როდესაც საკვერცხეების ბიოლოგიური სიცოცხლე დასასრულს უახლოვდება, ამის კვალობაზე, მცირდება ჰორმონების გამომუშავება, ესტროგენისა და პროგესტერონის დონე კლებულობს და კვერცხუჯრედების რეგულარული მომწიფების პროცესი ირღვევა. ეს, ჩვეულებრივ, 42-დან 55 წლამდე ასაკში ხდება.
მენოპაუზით განპირობებული ჰორმონული ცვლილებები შესაძლოა ისეთი ფსიქოვეგეტატიური დარღვევების მიზეზად იქცეს, როგორებიცაა:
- ოფლიანობა;
- ძილის დარღვევა;
- დეპრესიული მდგომარეობა;
- ადვილად აგზნება;
- შფოთვა;
- თავბრუსხვევა;
- გულისცემის აჩქარება.
მიჩნეულია, რომ მენოპაუზასთან დაკავშირებული მძიმე დარღვევების თავიდან აცილება სამი ძირითადი მექანიზმით არის შესაძლებელი, ესენია:
- ჰორმონების დეფიციტის შევსება;
- ჯანსაღი, დაბალანსებული კვება;
- საკმარისი ფიზიკური აქტივობა.
შეგიძლიათ, მობრძანდეთ ჩვენს კლინიკაში გინეკოლოგთან კონსულტაციაზე, რომელიც ობიექტური შეფასების შემდეგ, დაგინიშნავთ საჭირო მედიკამენტებს თქვენი ჩივილების შესამცირებლად.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/33
სხვა დამატებითი ინფორმაციისათვის დაგვიკავშირდით საკონტაქტო ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!
გამოაგზავნეთ შეკითხვა
