კითხვა: ვარ 56 წლის .ახლომხედველი.ვიყენებ სათვალეს.კვირაში ერთხელ მაქვს თვალის თეთრად ციმციმი ანუ მეზღუდება მხედველობა დაახლოებით 10- 15 წუთის განმავლობაში და შემდეგ ისევ მიბრუნდება მხედველობა,მაგრამ მეწყება თავის ტკივილი
პასუხი:
მოგესალმებით,
მოგახსენებთ, რომ არსებობს თავის ტკივილის გამომწვევი მრავალი მიზეზი. მათგან ძირითადია - თავის ტვინის და მისი გარსების დაავადებები, ასევე თავის ქალას გარეთ მდებარე კერები, ემოციური სფეროს დაზიანებები, შიდა ორგანოების დაავადებები, ქრონიკული და მწვავე ინტოქსიკაციები და ა.შ.
თქვენს შემთხვევაში ვფიქრობთ, შესაძლოა საქმე ეხებოდეს ირიტსა და რეფრაქციის დარღვევის შემთხვევას, რეფრაქციის დარღვევის შემთხვევაში კი სათვალის ზომის სწორი არჩევა აქრობს თავის ტკივილს.
შეგიძლიათ მობრძანდეთ ჩვენს კლინიკაში და კონსულტაცია გაიაროთ ოფთალმოლოგთან, რომელიც დაათვალიერებს თვალის ფსკერს, გამორიცხავს ან დაადასტურებს ოფთალმოლოგიურ პათოლოგიებს და მოგაწოდებთ ამომწურავ ინფორმაციას მკურნალობის მეთოდთან დაკავშირებით.
დამატებითი ინფორმაციისათვის დაგვიკავშირდით ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას !
გამოაგზავნეთ შეკითხვა
