კითხვა: გამარჯობა, ბოლო დროს მეზარება ყველაფერი, ვარ უმოძრაო ცხოვრების მიმდევარი და მოვიმატე წონაშიც კატასტროფულად...აქტიურად ვცხოვრობდი უნივერსიტეტის პერიოდში შემდეგ მთელი წელი მომიწია სახლში ჯდომა, უმოძრაობა და ამან იმოქმედა წონაზეც. ახლა კი ადვილად ვიღლები, არაფრის კეთება არ მინდა, მიჩქარდება გული, მაწუხებს ყაბზობა, მაქვს შიში რომ შეიძლება რაღაც ცუდი მჭირდეს ხან რას ამოვიჩემებ ხან რას. რამე თუ ამტკივდა მგონია რომ სიმსივნე მაქვს.. რა შეიძლება რომ გავაკეთო?
პასუხი:
მოგესალმებით,
თქვენი მონათხრობით ვითარება ჰგავს ე.წ. "ქრონიკული დაღლილობის " სინდრომს ,რომლის მიზეზები მრავალგვარია.
ქრონიკული დაღლილობის სინდრომის დროს პაციენტს აქვს ბევრი თანმხლები სიმპტომი,როგორიცაა; საერთო სისუსტე, ადვილად დაღლა, შრომისუნარიანობის დაქვეითება ძილის დარღვევა და ა.შ.
ძირითადი ნიშნები კი გახლავთ გახანგრძლივებული დაღლილობის შეგრძნება, უხალისობა, გუნება-განწყობის დაქვეითება.
ქდს-ის დიაგნოსტიკისას აუცილებელია გამოირიცხოს სხვა დაავადებები, რომლებიც ასეთსავე სიმპტომებს იწვევს, მაგალითად, ინფექციური მონონუკლეოზი, ჰიპოთირეოზი და სხვ.
სინდრომის ჩამოყალიბებას ხელს უწყობს: თამბაქოს წევა, არასრულფასოვანი კვება, გამოუძინებლობა, ზოგიერთი პრეპარატის ხანგრძლივი მიღება და ა.შ.
ქდს-ის დიაგნოსტიკის საკითხი მეტად აქტუალურია. ექიმი ორიენტირებას ახდენს დაავადების კლინიკურ გამოვლინებასა და ლაბორატორიულ გამოკვლევებზე.
აქდან გამომდინარე, გირჩევთ თავი აარიდოთ თვითმკურნალობას.
ქრონიკული დაღლილობის სინდრომის მკურნალობის მთავარი პრინციპია პრობლემისადმი კომპლექსური მიდგომა. ძალიან მნიშვნელოვანია დამზოგველი რეჟიმი და პაციენტის ხშირი კონტაქტი მკურნალ ექიმთან.
ასევე, აუცილებელია:
დასვენებისა და ფიზიკური დატვირთვის რეჟიმის მოწესრიგება; ყოველდღიური ფეხით სეირნობა, განტვირთვა და დიეტოთერაპია, რომლის შედეგადაც , აქტიურდება უჯრედული ცვლა, ხდება ფიზიოლოგიური სისტემების ფუნქციური სტიმულაცია. ამ დროს აუცილებელია დღე-ღამეში 1,5-2ლ სითხის მიღება; ვიტამინები, განსაკუთრებით - B1, B2, B12, C.
უნდა მიიღოთ მეტი ცილოვანი საკვები, ხილი და ბოსტნეული, ერიდოთ ალკოჰოლს და სხვა მაგარ სასმელებს, რეგულარულად მიირთვათ ნიგოზი, თაფლი, ჩირი, ნიორი, ლიმონი და სხვა ციტრუსები.
თქვენმა პრობლემებმა, რომ ქრონიკული სახე არ მიიღოს და უსიამოვნო სინდრომში არ გადაიზარდოს, უმჯობესია მიმართოთ ენდოკრინოლოგს და ნევროლოგს, რომელთანაც გვაქვს უფასო კონსულტაციის დღე ყოველ პარასკევს.
განსაკუთრებით მნიშვნელოვანია ფარისებრი ჯირკვლის პათოლოგიის გამორიცხვა, რაც ზევითაც აღვნიშნეთ. ამიტომ დაიწყეთ ენდოკრინოლოგთან კონსულტირებით და ჩაიტარეთ მის მიერ დანიშნული ლაბორატორიული კვლევები.
● ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/20
ნევროლოგის უფასო კონსულტაციის მისაღებად, აუცილებელია წინასწარ ჩაწერა, ნომერზე 577 119 11 9 ან 202 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!
გამოაგზავნეთ შეკითხვა
