კითხვა: გამარჯობა 9თვის წინ გავიკეთე ოპერაცია ენდომეტრიოზი იყო დიაგნოზი მქონდა პოლიკისტოზური საკვერცხეები და ისინიც ამოიღეს დამიტოვე ნახევარი საკვერცხე რომელიც ჯანმრთელი იყო ორი თვის შემდეგ დამეწყო ალები საშინელი დამინიშნეს კლიმონორმი უსიამოვნო შეგრძნებები და დროდა დრო მტკივა ხოლმე მკერდი ექვსი თვის წინ ვიყავი თქვენს კლინიკაში და გამოვიკვლიე მკერდი მითხრეს რომ არაფერი არაა მაინტერესებს რა რისკების ქვეშ შეიძლება აღმოვჩნდე და თუ შევწყვეტ ჰორმონის მიღებას ან თუ გავაგრძელებ რა ცვლილებებია მოსალოდნელი მკერდში.მადლობა და ბოდიში თუ კარგად ვერ ჩამოვაყალიბე კითხვა
პასუხი:
მოგესალმებით,
ზოგადად, სარძევე ჯირკვლის დაავადების რისკჯგუფებში შედიან პაციენტები ვისაც აქვთ ქრონიკული ანთებითი პროცესები, ენდომეტრიოზი, ან დაავადებები, რომლებიც არ ემორჩილება ან რთულად ექვემდებარება ჰორმონულ თერაპიას.
იქიდან გამომდინარე, რომ არ ვიცით მამოლოგიური კვლევის შემდეგ რა დიაგნოზი დაისვა, პასუხის გაცემა გაგვიჭირდება.
აუცილებელია, მიჰყვეთ მკურნალი ექიმის რეკომენდაციას და არავითარ შემთხვევაში არ შეწყვიტოთ მკურნალობა, შესაბამისი მითითების გარეშე.
თქვენ გესაჭიროებათ გინეკოლოგისა და მამოლოგის კომპლექსური მეთვალყურეობა. შესაბამისი ჰორმონოთერაპია და დინამიკაში დაკვირვება.
გირჩევთ, მიმართოთ თქვენს ექიმს და სთხოვოთ დეტალურად მოგაწოდოთ ინფორმაცია, მკურნალობის დადებითი და უარყოფითი შედეგების შესახებ.
● ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/38
გმადლობთ, რომ ენდობით ჩვენს კლინიკას, გისურვებთ ჯანმრთელობას !
გამოაგზავნეთ შეკითხვა
