კითხვა: გამარჯობა.მაქვს ფეხების , მუხლის ქვემოთ ტკივილი და ტერფის.გავიკეთე გამოკვლევა ანალიზები დოპლერი არსად არაფერი არაა და ფეხები მაინც მტკივა.რას მირჩევთ რა გავიკეთო?
პასუხი:
მოგესალმებით,
ტერფის ტკივილი ხშირად გაურკვეველი წარმოშობისაა, თუმცა ცნობილია მისი ზოგიერთი მიზეზიც. მაგალითად, ის შესაძლოა გამოიწვიოს რევმატულმა დაავადებამ, სტრუქტურულმა დეფორმაციამ, ფეხსაცმლის ტიპმა.
ტერფის ტკივილს იწვევს დიდი წვივის უკანა ნერვის მიჭყლეტა, რაც, თავის მხრივ, შესაძლოა გამოიწვიოს:
- ადგილობრივმა ტრავმამ (მყესების დაჭიმვამ, მოტეხილობამ);
- მოცულობითმა პროცესმა (ვენების დაავადებამ, ცხიმგროვამ);
- ტერფის დეფორმაციამ.
ასევე ტკივილის გამომწვევი მიზეზი შესაძლოა იყოს ქუსლის ძვლის დეზი, ქუსლთან ფასციის დაზიანებისა და ანთების შედეგად გაძვალებული ქსოვილი. ჩივილები ამ დროს ინდივიდუალურია.
კოჭ-წვივის ართრიტი კოჭ-წვივის სახსრის ანთებაა. ის შესაძლოა გამოიწვიოს ტრავმამ, ქრონიკულმა არასტაბილურობამ, სისტემურმა ანთებითმა დაავადებამ. პაციენტი, ჩვეულებრივ, უჩივის ყრუ ტკივილს დილაობით, ადგომისას, და ხანგრძლივი უმოძრაო პერიოდის შემდეგ.
დისტანციურად დიაგნოზის დასმა, თუ რა იწვევს თქვენს შემთხვევაში ტერფისა და წვივის ტკივილებს, შეუძლებელია.
გირჩევთ მიმართოთ ექიმს. სასურველია, პირველ რიგში გამოირიცხოს ტერფის პრობლემები .
შეგიძლიათ მობრძანდეთ ჩვენს კლინიკაში, ტრავმატოლოგთან უფასო კონსულტაციაზე, სადაც შეფასდება ზოგადი მდგომარეობა, თუ საჭირო იქნება სპეციალისტი დაგინიშნავთ საჭირო კვლევებს, ამის შემდეგ კი აუცილებად დაგეხმარებათ და შეარჩევს თქვენზე მორგებულ მკურნალობის მეთოდს.
ტრავმატოლოგთან უფასო საკონსულტაციო დღეებია ხუთშაბათი და შაბათი, წინასწარი ჩაწერით ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრელობას!
გამოაგზავნეთ შეკითხვა
