ბათკაცინი
გენერიული (საერთაშორისო არაპატენტირებული) დასახელება:
Amikacin.
სამკურნალო ფორმა:
საინიექციო ხსნარი 2მლ ფლაკონებში.
შემადგენლობა:
2მლ პრეპარატი შეიცავს:
აქტიური ნივთიერება:
ამიკაცინის სულფატი - 100მგ ამიკაცინის ექვივალენტი
ან ამიკაცინის სულფატი - 500მგ ამიკაცინის ექვივალენტი.
დამხმარე ნივთიერებები: ნატრიუმის ციტრატი, ნატრიუმის მეტაბისულფიტი, საინიექციო წყალი.
ათქ- კოდი: J01GB06.
კლინიკურ-ფარმაკოლოგიური ჯგუფი:
ამინოგლიკოზიდების ჯგუფის ანტიბიოტიკი.
ფარმაკოლოგიური თვისებები:
ანტიბიოტიკი - ახდენს ბაქტერიციდულ მოქმედებას, თრგუნავს რა გამომწვევების ცილების სინთეზს.
ბათკაცინი მაღალ აქტიურია გრამუარყოფითი მიკროორგანიზმების: Klebsiella, Pseudomonas, E.Coli, Proteus, Enterobacter Serratia, Shigella, Salmonella, Providencia, Mima-Herelea, Citobacter freundii (მათ შორის, კანამიცინის, გენტამიცინის, თობრამიცინის მიმართ რეზისტენტული შტამები) მიმართ, ასევე ზოგიერთი გრამდადებითი მიკროორგანიზმების: Staphylococcus (მათ შორის, პენიცილინის, მეთიცილინის, ზოგიერთი ცეფალოსპორინების მიმართ მდგრადი შტამების), Streptococcus ზოგიერთი შტამების მიმართ.
ბენზილპენიცილინთან ერთდროული დანიშვნისას ავლენს სინერგიზმს Enterococcus faecalis შტამების მიმართ.
ბათკაცინი არ კარგავს აქტიურობას იმ ფერმენტების მოქმედებით, რომლებიც ახდენენ სხვა ამინოგლიკოზიდების ინაქტივაციას და რჩება აქტიური Pseudomonas aeruginosa-ს შტამების მიმართ, რომლებიც მდგრადები არიან თობრამიცინის, გენტამიცინის და ნეთილმიცინის მიმართ.
ბათკაცინი არააქტიურია ანაერობული მიკროორგანიზმების მიმართ.
ჩვენებები:
მძიმედ მიმდინარე ინფექციურ_ანთებითი დაავადებების მკურნალობა, გამოწვეული ბათკაცინის მიმართ მგრძნობიარე მიკროორგანიზმებით, ასევე სხვა ამინოგლიკოზიდების მიმართ რეზისტენტული მიკროორგანიზმებით.
- მუცლის ღრუს ინფექციები (მათ შორის პერიტონიტი);
- სეპტიკური ენდოკარდიტი;
- სეფსისი;
- ცნს ინფექციები (მენინგიტის ჩათვლით);
- ზედა სასუნთქი გზების ინფექციები (ბრონქიტი, პნევმონია, პლევრის ემპიემა, ფილტვების აბსცესი);
- კანისა და რბილი ქსოვილების ჩირქოვანი ინფექციები;
- შარდ-სასქესო ორგანოების ხშირად მორეციდივე ინფექციები (პიელონეფრიტი, ცისტიტი, ურეთრიტი, პროსტატიტი, ჰონორეა);
- ნაღველმდენი გზების ინფექციები;
- ძვლებისა და სახსრების ინფექციები (მათ შორის ოსტეომიელიტი);
- ჭრილობისმიერი და ოპერაციის შემდგომი ინფექციები.
გამოყენების წესი და დოზები:
დოზირების რეჟიმი დგინდება ინდივიდუალურად, პაციენტის წონის მიხედვით, დაავადების სიმძიმის გათვალისწინებით და გამომწვევის მგრძნობელობის მიხედვით.
მოზრდილებში და მოზარდებში ინიშნება კუნთებში, ვენაში (ნაკადით 2 წთ-ის განმავლობაში ან წვეთოვნად) 5მგ/კგ ყოველ 8 საათში ან 7,5მგ/კგ ყოველ 12 საათში, 7-10 დღის განმავლობაში.
მოზრდილებში მაქსიმალური დოზებია: 15მგ/კგ დღე_ღამეში, მაგრამ არა უმეტეს 1,5გ დღე-ღამეში.
ახალშობილებში საწყისი დოზაა: 10მგ/კგ, შემდეგ 7,5მგ/კგ_ყოველ 12 საათში, 7-10 დღის განმავლობაში.
ბაქტერიემიების, სეპტიცემიების, სასუნთქი გზების და შარდ-სასქესო გზების ინფექციებისას დოზა მოზრდილებში-15მგ/კგ 1-ჯერ დღეში ი/ვ, ბავშვებში 4 კვირის ასაკიდან-20მგ/კგ ყოველ 12 საათში.
საშარდე გზების ბაქტერიული ინფექციებისას _ 250მგ ყოველ 12 საათში.
ი/ვ შეყვანისათვის პრეპარატს აზავებენ 5% გლუკოზის საინიექციო ხსნარში (100-200 მლ);
ან 5% გლუკოზის ხსნარში და 0,2% ნატრიუმის ქლორიდის საინიექციო ხსნარში;
ან 0,9% ნატრიუმის ქლორიდის საინიექციო ხსნარში;
ან რინგერ - ლაქტატის საინიექციო ხსნარში.
ხსნარი მზადდება უშუალოდ გამოყენებამდე.
როგორც ყველა სხვა ამინოგლიკოზიდები, ბათკაცინი არ შეიყვანება ერთდროულად სხვა სამკურნალო პრეპარატებთან.
მკურნალობის ხანგრძლივობა ი/ვ შეყვანისას შეადგენს 3-7 დღეს, ი/მ შეყვანისას - 7-10 დღეს.
ავადმყოფებს თირკმელის ფუნქციის დარღვევით, ესაჭიროებათ დოზირების რეჟიმის კორექცია. როდესაც კრეატინინის კლირენსი 50მლ/წთ, პრეპარატის გამოყენება დღეში ერთხელ რეკომენდირებული არ არის.
გვერდითი მოვლენები:
- ცნს და პერიფერიული ნერვული სისტემის მხვრივ: თავის ტკივილი, ძილიანობა, სუნთქვის შეჩერება, ნეიროტოქსიკურობა.
- სისხლმბადი სისტემის მხრივ: ანემია, ლეიკოპენია, გრანულოციტოპენია, თრომბოციტოპენია.
- საჭმლის მომნელებელი სისტემის მხრივ: გულისრევა, ღებინება, ღვიძლის ტრანსამინაზების აქტიურობის მომატება, ჰიპერბილირუბინემია;
- შარდ-გამომყოფი სისტემის მხრივ: ოლიგურია, პროტეინურია, მიკროჰემატურია, თირკმელის უკმარისობა.
- გრძნობის ორგანოების მხრივ: ოტოტოქსიკურობა, ტოქსიკური მოქმედება ვესტიბულარულ აპარატზე.
- ალერგიული რეაქციები: გამონაყარი კანზე, ქავილი, კანის ჰიპერემია, კვინკეს შეშუპება.
უკუჩვენებები:
ბათკაცინი უკუნაჩვენებია:
- პრეპარატის კომპონენტების და ასევე სხვა ამინოგლიკოზიდების მიმართ მომატებული მგრძნობელობისას;
- თირკმელების ფუნქციის მძიმე მოშლისას;
- სმენითი ნერვის ნევრიტისას;
- ორსულობასას.
განსაკუთრებული მითითებები:
არ არის რეკომენდირებული ბათკაცინის მიღება 14 დღეზე მეტ ხანს.
არ არის რეკომენდირებული მიღება ორსულობისა და ლაქტაციის დროს, მიასთენიის, პარკინსონიზმის, დეჰიდრატაციის, თირკმელების უკმარისობის დროს, ახალშობილებში და ხანდაზმულ ასაკში გამოიყენება სიფრთხილით.
ჭარბი დოზირება:
სიმპტომები: ატაქსია, თავბრუხვევა, შარდის გამოყოფის დარღვევა, გულისრევა, ღებინება, სიყრუე.
მკურნალობა: ჰემოდიალიზი ან პერიტონეალური დიალიზი, ანტიქოლინესტერაზული საშუალებები, კალციუმის მარილები, ფილტვების ხელოვნური ვენტილაცია, სიმპტომატური თერაპია.
ურთიერთქმედება სხვა სამკურნალო საშუალებებთან:
ბათკაცინი ავლენს სინერგიზმს კარბენიცილინთან, ბენზილპენიცილინთან, ცეფალოსპორინებთან ურთიერთქმედებისას.
ბათკაცინის ამფოტერინ B-თან, ვანკომიცინთან, მეტოქსიფლურანთან, ენფლურანთან, ციკლოსპორინთან ერთდროულად მიღებისას, შესაძლოა ნეფროტოქსიკური მოქმედების განვითარება.
ინდომეტაცინთან ერთდროულად მიღებისას იზრდება ამინოგლიკოზიდების ტოქსიკური მოქმედება.
ხსნარში ბათკაცინი შეუთავსებელია პენიცილინთან, ჰეპარინთან, ცეფალოსპორინებთან, ერითრომიცინთან, B და C ჯგუფის ვიტამინებთან, ტეტრაციკლინთან და კალიუმის ქლორიდთან.
გამოშვების ფორმა:
საინიექციო ხსნარი 100მგ/2მლ ფლაკონებში №1.
საინიექციო ხსნარი 500მგ/2მლ ფლაკონებში №1.
1 ფლაკონი მუყაოს კოლოფში გამოყენების ინსტრუქციასთან ერთად.
შენახვის პირობები:
სინათლისაგან დაცულ ადგილას, ტემპერატურა არა უმეტეს 25ºC.
ვარგისიანობის ვადა:
2 წელი.
გაცემის წესი:
რეცეპტით.
მწარმოებელი:
ბათუმის ფარმაცევტული ქარხანა
შპს "ბათფარმა"
6007, საქართველო. ბათუმი, ნონეშვილის ქ. #65.
