ალფლუტოპი-გელი
(Alflutop-gel)
შემადგენლობა: 100 გ გელი აქტიური ნივთიერების სახით შეიცავს 1,00 გ ზღვის ორგანიზმების კონცენტრატს; 0,75 გ როზმარინის ზეთს.
დამხმარე ნივთიერებები: ნატრიუმის ჰიდროქსიდი, გამხსნელები, ნიპაგინი, ნიპაზოლი, სტაბილიზატორი, დისტილირებული წყალი და 100 გ-მდე სხვა ნივთიერებები.
ფარმაკოლოგიური ჯგუფი: არასტეროიდული ანთების საწინააღმდეგო საშუალება.
ათქ კოდი M02AX.
ჩვენება: პრეპარატი დამხმარე თერაპიის სახით გამოიყენება შემდეგი დაავადებების სამკურნალოდ: დეგენერაციული ხასიათის რევმატიული დაავადებები (გონართროზი, კოკსართროზი, ოსტეოქონდროზი, სპონდილოზი, სახსრებისა და ზედა კიდურების ართროზი); რევმატიზმის ანთებითი ფორმები; პოსტტრავმული ტკივილით მიმდინარე დაავადებები.
წინააღმდეგჩვენებები: პრეპარატის კომპონენტების მიმართ მომატებული მგრძნობელობა.
ორსულობისა და ლაქტაციის პერიოდი: პრეპარატს არ გააჩნია ემბრიოტოქსიკური და ტერატოგენული თვისებები.
განსაკუთრებული მითითებები: პრეპარატის გამოყენება კანის დაზიანებულ უბანზე დაუშვებელია!
პრეპარატის გამოყენება ლორწოვან გარსზე დაუშვებელია!
სხვა სამკურნალო საშუალებებთან ურთიერთქმედება: ფიზიკურ-ქიმიური შეუთავსებლობა არ არის დადგენილი.
მიღების წესი და დოზირება: პრეპარატი გამოიყენება ადგილობრივად, კანის დაუზიანებულ უბანზე 2-3-ჯერ დღეში მსუბუქი მასაჟის მეშვეობით.
ჭარბი დოზირება: არ აღინიშნება
გვერდითი მოვლენები: არ აღინიშნება
გამოშვების ფორმა: 25 გ; 65 გ; 30 გ ტუბი.
შენახვის პირობები: პრეპარატი ინახება 15-25ºC ტემპერატურაზე ბავშვებისაგან დაცულ ადგილას.
ვარგისიანობის ვადა: 2 წელი.
შეფუთვაზე აღნიშნული ვადის გასვლის შემდეგ მისი გამოყენება დაუშვებელია.
მწარმოებელი ფირმა: “ბიოტექნოსი” რუმინეთი
