ამპიოქსი ნ/მ 0.5გ #1ფლ

                     ამპიცილინი-ოქსაცილინი-კმპ

ზოგადი  დახასიათება:
თეთრი ან მოყვითალო ფერის ფოროვანი მასა, სუნის გარეშე, ჰიგროსკოპული;
 
შემადგენლობა:
1 ფლაკონი შეიცავს 0,1გ, 0,2 გ ან 0,5 გ ამპიცილინის ნატრიუმის მარილს, რომელიც შეესაბამება 0,0667გ, 0,1334გ ან 0,3335 გ ამპიცილინს;
ოქსაცილინის ნატრიუმის მარილი, რომელიც შეესაბამება 0,0333გ, 0,06666 გ ან 0,1665 გ ოქსაცილინს.
 
წამლის ფორმა:
ლიოფილიზებული მასა ინექციის მოსამზადებლად ფლაკონებში.

ფარმაკოთერაპიული ჯგუფი:
პენიცილინების კომბინაცია.

ფარმაკოლოგიური თვისებები:
პრეპარატს გააჩნია ფართო სპექტრის ანტიბაქტერიული მოქმედება, რომელიც აერთიანებს ამპიცილინისა და ოქსაცილინის მოქმედების სპექტრებს. პრეპარატი აქტიურია გრამდადებითი (Streptococcus spp.,  მათ შორის S. pneumoniae, Staphylococcus spp., Bacillus anthracis, Clostridium spp., და სხვა) და გრამუარყოფითი (Escherichia coli, Salmonella spp., Shigella spp., Proteus mirabilis, Haemophilus influenzae, Klebsiella pneumoniae, Neisseria gonorrhoeae, N. meningitidis და სხვა) მიკროორგანიზმების მიმართ.  პრეპარატში  შემავალი ოქსაცილინის ნატრიუმის მარილის გამო, იგი აქტიურია აგრეთვე პენიცილინაზას წარმომქმნელი მიკროორგანიზმების მიმართ. ამპიცილინისა და ოქსაცილინის კომბინაცია ზოგიერთ შემთხვევებში აძლიერებს თითოეული კომპონენტის (შესაძლო სინერგიზმის ხარჯზე) მოქმედებას. პრეპარატი ტრანსპეპტიდაზას ინჰიბირების შედეგად აფერხებს პეპტიდური კავშირების წარმოქმნას, არღვევს მიკროორგანიზმების უჯრედის კედლის პეპტიდოგლიკანის სინთეზის გვიან ეტაპებს, რაც იწვევს დაყოფის მდგომარეობაში მყოფი  ბაქტერიების ლიზისს.
პრეპარატის მიმართ მდგრადია Pseudomonas aeruginosa,  P. vulgaris, P. rettgeri, P. morgonii-ის შტამების უმრავლესობა, აგრეთვე ვირუსები, უმარტივესები, სოკოები.

ფარმაკოკინეტიკა:
პრეპარატის კუნთებში შეყვანიდან 30 წთ-1 სთ-ის შემდეგ სისხლის პლაზმაში აღინიშნება მისი მაქსიმალური კონცენტრაცია. ვენაში შეყვანისას პრეპარატის უფრო მაღალი კონცენტრაცია აღინიშნება, ვიდრე სისხლში მისი კუნთებში შეყვანის შემთხვევაში. იგი ზომიერად უკავშირდება სისხლის შრატის ცილებს. მისი მაღალი კონცენტრაცია აღინიშნება სისხლში, ქსოვილებში, ნახველსა და ნაღველში. პრეპარატი არ გადის ჰემატოენცეფალურ ბარიერს. იგი ორგანიზმიდან ძირითადად გამოიყოფა თირკმელებით, ნაწილობრივ ექსკრეტირდება ნაღველით, ხოლო მეძუძურ დედებში რძით. პრეპარატი მცირედ ტოქსიკურია.
პრეპარატის ხელმეორედ შეყვანის შემთხვევაში იგი არ კუმულირდება, რაც მისი ხანგრძლივად გამოყენების საშუალებას იძლევა.


ჩვენება:
პრეპარატი გამოიყენება სასუნთქი გზებისა და ფილტვების (ბრონქიტები, პნევმონია, ბრონქოექტაზური დაავადება გამწვავების ფაზაში, სინუსიტი, ფარინგიტი), ნაღვლმდენი გზების დაავადებების (ქოლანგიტი, ქოლეცისტიტი), თირკმელებისა და შარდგამომყოფი გზების (პიელიტი, პიელონეფრიტი, ცისტიტი), კანისა და რბილი ქსოვილების ინფექციური პროცესების, ინფიცირებული ჭრილობების, დამწვრობის შედეგად გამოწვეული დაავადებების სამკურნალოდ. პრეპარატი გამოიყენება აგრეთვე ქირურგიული ჩარევის შედეგად განვითარებული ოპერაციის შემდგომი გართულებების პროფილაქტიკისა და ახალშობილებში ინფექციური დაავადებების პროფილაქტიკისა და მკურნალობისათვის.
პრეპარატის განსაკუთრებით ჩვენებას წარმოადგენს დაავადებების მძიმედ მიმდინარეობა (სეფსისი, ენდოკარდიტი, მშობიარობის შემდგომი ინფექციები და სხვა), ანტიბიოტიკოგრამის და გამომწვევის დაუდგენლობისას, აგრეთვე  შერეული ინფექციების დროს, რომლებიც გამოწვეულნი არიან გრამდადებითი და გრამუარყოფითი ბაქტერიებით.

მიღების წესი და დოზირება:
პრეპარატი შეყავთ კუნთებში და ვენაში (მიკრონაკადით ან წვეთოვანი გზით).
კუნთებში და ვენაში პრეპარატის შეყვანისას მისი ერთჯერადი დოზა მოზრდილებში შეადგენს 0,5-1გ-ს, სადღეღამისო 2-4 გ-ს. პრეპარატი შეყავთ ყოველ 4-6 სთ-ში.
ახალშობილებში, დღენაკლულ და 1 წლამდე ასაკის ბავშვებში პრეპარატი ინიშნება სადღეღამისო დოზით 100-200 მგ/კგ სხეულის წონის შესაბამისად. 1-დან 7 წლამდე ასაკის ბავშვებში 100 მგ/კგ დღეღამეში; 7-დან 14 წლამდე ასაკის ბავშვებში 50 მგ/კგ; 14 წლის  ასაკის ზევით ბავშვებში პრეპარატი მიიღება მოზრდილების დოზის იდენტურად. სადღეღამისო დოზას ყოფენ 4-6 მიღებად. მძიმე ფორმის ინფექციების მიმდინარეობისას დოზა შესაძლებელია გავზარდოთ 1,5-2 - ჯერ.
მკურნალობის ხანგრძლივობა შეადგენს 5-7 დღიდან 3 კვირამდე.
კუნთებში შესაყვან ხსნარს ამზადებენ ექსტემპორალურად, რისთვისაც ფლაკონის შიგთავსს უმატებენ 2 მლ საინექციო წყალს.
ვენაში პრეპარატის ნაკადით შესაყვანად (ერთჯერადი დოზა) ამ უკანასკნელს ანზავებენ 10-15 მლ სტერილური საინექციო წყალსა და/ან ნატრიუმის ქლორიდის იზოტონური ხსნარით და შეყავთ ნელი სიჩქარით 2-3 წთ-ის განმავლობაში.
მოზრდილებში პრეპარატის წვეთოვანი გზით შესაყვანად (ერთჯერადი დოზა) მას ანზავებენ 100-200 მლ ნატრიუმის ქლორიდის იზოტონური ხსნარით და/ან 5%-იან გლუკოზის ხსნარით და შეყავთ წთ-ში 60-80 წვეთის სიჩქარით. ბავშვებში პრეპარატის წვეთოვანი გზით შეყვანისას გამხსნელად იყენებენ 5-10% გლუკოზის ხსნარს (30-100 მლ ასაკის მიხედვით).
ხსნარი მზადდება უშუალოდ გამოყენების წინ. ხსნარში სხვა სამკურნალო საშუალებების დამატება დაუშვებელია. ვენაში პრეპარატის ხელმეორედ შეყვანა შესაძლებელია 5-7 დღის განმავლობაში, შემდგომში (აუცილებლობის შემთხვევაში) კუნთებში შეყვანაზე გადასვლით.

გვერდითი მოვლენები:
მოსალოდნელია ალერგიული რეაქციები (კანზე გამონაყარი, ურტიკარია, კვინკეს შეშუპება და სხვა, იშვიათად ანაფილაქსიური შოკის განვითარება), დისპეფსიური მოვლენები, დისბატქერიოზი. ალერგიული რეაქციების გამოვლენისთანავე აუცილებელია პრეპარატის მიღების შეწყვეტა და მადესენსიბილიზირებელი თერაპიის ჩატარება.
ანაფილაქსიური შოკის ნიშნების გამოვლენისთანავე შეყავთ ადრენალინი, გულ-სისხლძარღვთა და ჰორმონული პრეპარატები და მადესენსიბილიზირებელი საშუალებები (პიპოლფენი, სუპრასტინი). აუცილებლობის შემთხვევაში ატარებენ ფილტვების ხელოვნურ ვენტილაციას.
      
უკუჩვენება:
პენიცილინების, ცეფალოსპორინების ჯგუფის, კარბაპენემების პრეპარატების მიმართ მომატებული მგრძნობელობა; ღვიძლის ფუნქციის დარღვევა, ლაქტაციის პერიოდი. პრეპარატი სიფრთხილით ინიშნება ავადმყოფ ბავშვებში, თუკი დედის ანამნეზში მითითებულია პენიცილინების მიმართ მომატებული მგრძნობელობა. აღნიშნული შემთხვევების დროს, აგრეთვე ბრონქული ასთმის, თივის ცხელების და სხვა ალერგიული დაავადებებისას პრეპარატი ინიშნება მადესენსიბილიზირებელ საშუალებებთან კომბინაციაში.

ურთიერთქმედება სხვა სამკურნალო საშუალებებთან:
პრეპარატი ამცირებს ორალური კონტრაცეპტივების და ზრდის ანტიკოაგულანტების მოქმედების ეფექტს. პრობენეციდი, რომელიც ამცირებს მის მილაკოვან სეკრეციას, სისხლის შრატში ზრდის პრეპარატის კონცენტრაციას.
 
ჰიპერდოზირება:
პრეპარატის  დოზის გადაჭარბებისას  აღინიშნება ცნს-ზე ტოქსიკური ზემოქმედება. მკურნალობა სიმპტომატურია.

განსაკუთრებული მითითებანი:
დაუშვებელია მისი სხვადასხვა პრეპარატებთან შერევა ერთ ფლაკონში. პრეპარატის გამოყენება განსაკუთრებით ნაჩვენებია დაუდგენელი ანტიბიოტიკოგრამისა და გამომწვევის შემთხვევაში.

შენახვის პირობები და ვადა:
ინახება მშრალ, სინათლისაგან და ბავშვებისაგან დაცულ ადგილას, ოთახის ტემპერატურაზე.
ვარგისიანობის ვადა - 1 წელი.

გაცემა: რეცეპტით.

შეფუთვა:
ფლაკონები, რომლებიც შეიცავენ 0,1გ, 0,2 გ ან 0,5 გ ამპიცილინ-ოქსაცილინ-კმპ-ს.

მწარმოებელი:
“კიევმედპრეპარატები”  (უკრაინა)
 01032, ქ.კიევი, საკსაგანსკის ქ. 139