პოზიტრონ–ემისიური ტომოგრაფიის როლი თანამედროვე ონკოლოგიაში – ქირურგიის ეროვნულ ცენტრში ემორის უნივერსიტეტის პროფესორი ლექციას წაიკითხავს

ლექციას „პოზიტრონ–ემისიური ტომოგრაფიის როლი თანამედროვე ონკოლოგიაში“ წაიკითხავს რადიოლოგიისა და ბირთვული მედიცინის სრული პროფესორი, ემორის უნივერსიტეტის გრეიდის ჰოსპიტალის ბირთვული მედიცინის დეპარტამენტის დირექტორი რაგუვერ ჰალკარი.

ღონისძიება გაიმართება ქირურგიის ეროვნული ცენტრის რადიოთერაპიის დეპარტამენტში.

PET/CT, ანუ პოზიტრონ–ემისიური ტომოგრაფია ბირთვული მედიცინის კვლევის მეთოდია, რომელიც უალტერნატივოა კიბოს დიაგნოსტირებაში.

მკითხველს შევახსენებთ, რომ ქირურგიის ეროვნულ ცენტრში ფუნქციონირებს რადიოთერაპიის დეპარტამენტი. დეპარტამენტში ონკოლოგიურ პაციენტებს საშუალება აქვთ ჩაიტარონ სხივური თერაპია უახლესი თაობის მაღალტექნოლოგიური სხივური ამაჩქარებლებით. რადიოთერაპიის დეპარტამენტში მკურნალობის მეთოდს ქართველ სპეციალისტებთან ერთად არჩევენ მოწვეული ექსპერტები აშშ–დან (ემორის უნივერსიტეტი, ატლანტა) და ესპანეთიდან (Genesis Care-ს ონკოლოგიის მულტიდისციპლინური ინსტიტუტი).

ქირურგიის ეროვნული ცენტრის მისამართი: ქალაქი თბილისი, დიღომი, ჩაჩავას N5.

ქირურგიის ეროვნულ ცენტრს შეგიძლიათ დაუკავშირდეთ ქოლ–ცენტრის დახმარებით ნომერზე 577 119 119 ან 2 02 25 25.

გისურვებთ ჯანმრთელობას!