კითხვა: გამარჯობათ. ჩემი პრობლემა ზედმეტი წონაა,მინდა დაკლება და ვეძებ რომელიმე ეფექტურ დიეტას და იქნებ თქვენ მირჩიოთ როგრ მივიქცე? პარალელურად ვვარჯიშობ და ვფიქრობ სასურველი იქნება თუ ჯანსაღი გზით დავიკლებდი.
პასუხი:
მოგესალმებით,
ჭარბი წონა, არამხოლოდ ესთეტიკური, არამედ ჯანმრთელობის პრობლემაცაა.
ჭარბი წონის გამომწვევი არაერთი მიზეზი არსებობს.
არსებობენ ადამიანები, რომლებსაც დროდადრო ჭამის დაუძლეველი, მანიაკური სურვილი იპყრობთ, რაც თავისთავად იწვევს წონის პრობლემებს.
ჰორმონული დარღვევა ჭარბი წონის ერთ-ერთი უმთავრესი მიზეზია, თავად დისბალანსის მიზეზი კი არაერთია.
ჭარბი წონა ზრდის ისეთი დაავადებების წარმოშობის რისკს, როგორიცაა:
- დიაბეტი;
- მაღალი წნევა;
- ძილის აპნოე;
- ლიპიდების ცვლის დარღვევა;
- ინსულინის მიმართ რეზისტენტობა;
- მეტაბოლური სინდრომი.
ჭარბი წონის დროს კვებას განსაკუთრებული ყურადღება ექცევა, აუცილებელია სწორი დამოკიდებულება შეიქმნათ წონის კლებასთან დაკავშირებით.
პირველი ნაბიჯი, სწორად კვების მოწესრიგებაა, მაგრამ აუცილებელია, მანამდე მიმართოთ სპეციალისტს. სამედიცინო თვალსაზრისით სიმსუქნე ქრონიკული დაავადებაა, რომელსაც პროგრესირების ტენდენცია და ხშირი რეციდივი ახასიათებს.
დისტანციურად დიეტასთან დაკავშირებით ვერ მოგცემთ მითითებას. პირველ რიგში უნდა დადგინდეს რამ გამოიწვია წონის მომატება, რათა შემდეგ ვებრძოლოთ მიზეზს და არა შედეგს.
შეგიძლიათ, მობრძანდეთ ჩვენს კლინიკაში ენდოკრინოლოგთან კონსულტაციაზე, რომელიც შეკრებს ანამნეზს, დაგინიშნავთ საჭირო კვლევებს და თქვენი მდგომარეობიდან გამომდინარე, შეგირჩევთ ინდივიდუალურ მკურნალობასა და ჯანსაღი კვების რეჟიმს.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/30
სხვა დამატებითი ინფორმაციისათვის დაგვიკავშირდით, საკონტაქტო ნომერზე 577 119 119 ან 2 02 25 25.
გმადლობთ, რომ გვენდობით, გისურვებთ ჯანმრთელობას!
გამოაგზავნეთ შეკითხვა
