ცხვირის ძგიდის გამრუდება - ოტო–რინო–ლარინგოლოგია

მოგესალმებით,
მოგახსენებთ, რომ ზოგადად ცხვირის ძგიდე თითქმის არასდროს არის თანაბარი და სწორი. არსებობს მისი ბუნებრივი შესქელებები იმ ადგილებში, სადაც ხრტილი გადადის ძვალში.

ცხვირის გამრუდებული ძგიდე ხელს უშლის სასუნთქ არხში ჰაერის გატარებას, შესაბამისად, ყურების და ცხვირის დამატებითი წიაღების ვენტილაციას. ყოველივე ამან კი, შეიძლება გამოიწვიოს შემდეგი თანმდევი პათოლოგიები:

• სასმენი მილის ანთება;
• შუა ყურის ანთება;
• მწვავე და ქრონიკული სინუსიტი;
• რინიტის სხვადასხვა ფორმა;
• თავის ტკივილი;
• ქრონიკული დაღლილობა;
• კონცენტრაციის დარღვევა;
• ძილის აპნოე (ხვრინვა);
• ნუშურა ჯირკვლების ანთება და ა.შ.

აუცილებელია, მკურნალობის დაგეგმარებისთვის მიმართოთ შესაბამის სპეციალისტს.
ამ ეტაპზე ჩვენს კლინიკაში ცხვირის ძგიდის გასწორებაზე ოპერაცია არ ტარდება და ვერ დაგეხმარებით.

• ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/shekitxva-eqims/oto%E2%80%93rino%E2%80%93laringologia/28

 გმადლობთ, რომ ენდობით ჩვენს კლინიკას, გისურვებთ ჯანმრთელობას!