კითხვა: გამარჯობა,ვარ 24 წლის,2თვეა მაწუხებს დაბალი სიცხეები, მაქსიმალური მაჩვენებელი 36.3 მაქვს, ძირითადად დღის განმავლობაში 35.4დან 36.1 მდე მერყეობს. ადრე ყოველთვის ნორმალური სიცხე მქონდა 36.6-36.8 საღამოს საათებში 37ზეც ადიოდა მაჩვენებელი.ციკლის მეორე ფაზაში 37.1ც მქონდა ხოლმე.ბოლო ორი თვეა არანაირი მნიშვნელობა არააქვს ციკლის პირველი ფაზაა თუ მეორე სტაბილურად დაბალი სიცხეები მაქვს, არ ვიცი რამდენად კავშირშია მაგრამ ბოლო ციკლი 21დღითაც გადამიცდა.ხომ ვერ მეტყოდით შესაძლო მიზეზები რა შეიძლება იყოს დაბალი სიცხეების,რამდენად შესაძლებელია არანაირ პრობლემაზე არ მეტყველებდეს და უბრალოდ ორგანიზმის ჩვეულებრივი მოვლენაა უეცრად ტემპერატურის დაწევა და კიდევ თუ ყურადღება მისაქცევია რომელ ექიმს უ ნდა მივმართო ან რა ანალიზებია ჩასაბარებელი.TSH-ის პრობლემა არ მაქვს თუმცა ექოსკოპია არ გამიკეთებია დიდი ხანია და ასევე სისხლის საერთო ანალიზში ყველაფერი კარგად მაქვს,ჰემოგლობინი ნორმაშია ,არაფერი არ მაწუხებს,ერთადერთი სისუსტე მაქვს.მადლობა წინასწარ.
პასუხი:
მოგესალმებით,
თქვენთვის განკუთვნილ პასუხში გაეცნობით შემდეგ ინფორმაციას:
- რა არის თერმორეგულაცია;
- სხეულის ტემპერატურის ნორმა;
- დაბალი ტემპერატურის გამომწვევი მიზეზები.
თერმორეგულაცია ადამიანის სხეულის ერთ-ერთი მნიშვნელოვანი ფუნქციაა და ის იყოფა ქიმიურ და ფიზიკურ სახეებად. პირველი ფუნქციები გამოხატულია მეტაბოლური პროცესების ინტენსივობის გაზრდით ან შემცირებით.
ფიზიკური თერმორეგულაციის პროცესები მიმდინარეობს სითბოს გამოსხივების, სითბოს გამტარობის და სხეულის ზედაპირზე ტენიანობის აორთქლების გამო.
ფართოდ გავრცელებული მოსაზრება, რომ ნორმალური ადამიანის სხეულის ტემპერატურა 36.6 გრადუსია, არ არის სწორი. თითოეული ორგანიზმი ინდივიდუალურია. ადამიანის სხეულის ტემპერატურა შეიძლება შეიცვალოს 36.5-37.2 გრადუსამდე. თითოეული ადამიანის ფიზიკური სხეულის ტემპერატურა დამოკიდებულია რამდენიმე ფაქტორზე: დღის დრო (დილის დაახლოებით ექვსი საათის განმავლობაში ადამიანის სხეულის ტემპერატურა მინიმუმამდეა, მაქსიმუმ, 16 საათამდე).
სხეულის დაბალი ტემპერატურის გამომწვევი მიზეზი შეიძლება იყოს:
- თერმორეგულაციის პროცესში ფუნქციური ჩავარდნები;
- სისხლძარღვების გაფართოება;
- ჰიპოთერმია;
- დაბალი არტერიული წნევა;
- ქიმიური მიზეზები;
- სხეულის ინტოქსიკაცია;
- დასუსტებული იმუნიტეტი;
- ჰემოგლობინის დაბალი დონე;
- ემოციურობა;
- ალკოჰოლი;
- გაუწონასწორებელი ფსიქიკური მდგომარეობა;
- ფარისებრი ჯირკვლის აქტივობის დაქვეითება (ჰიპოთირეოზი).
თქვენ შემთხვევაში, თუ რატომ ხართ დაბალი ტემპერატურის მატარებელი და რა არის ამის მიზეზი, დისტანციურად ზუსტი პასუხის გაცემა შეუძლებელია.
ცხადია, როგორც თქვენ აღნიშნავთ, კვლევის მთავარი სამიზნე ობიექტი უნდა ყოფილიყო ფარისებრი ჯირკვალი, ამიტომაც მხოლოდ TSH-ის მაჩვენებელი საკმარისი არაა და აუცილებელია ამ მიმართულებით კვლევების გაღრმავება. კერძოდ კი, რა კვლევები და რა თანმიმდევრობით ჩაიტაროთ, შეგიძლიათ დაგეგმოთ ჩვენი კლინიკის ენდოკრინოლოგ ანა ჭოხონელიძესთან კონსულტაციის შედეგად.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/shekitxva-eqims/endokrinologia/30
სხვა დამატებითი ინფორმაციის მისაღებად დაგვიკავშირდით, საკონტაქტო ნომერზე 577 119 119 ან 2 02 25 25.
გმადლობთ, რომ დაინტერესდით ჩვენი კლინიკით, გისურვებთ ჯანმრთელობას!
გამოაგზავნეთ შეკითხვა
