კითხვა: გამარჯობა ძალიან ხშირად მემართება ფურუნკული სახის არეში განსაკუთრებულად გავიკთე ანალიზიც შაქარზე მაგარმ გამოირიცხა გადასხმბიც ასევე და არ მიშველა ვიკთებ ბიცილინის ნემსს და არცაგან მიშველა ახლა რინოეპლასტიკას მადლობავაპირებ და ხო არ იქნება რამე პრობლემა ? მადლობა
პასუხი:
მოგესალმებით,
ფურუნკული კანის ჩირქოვანი ინფექციის ერთ-ერთი სახეა. მის გამომწვევებს შორისაა კანის დამცველობითი ფუნქციის დაქვეითება.
ფურუნკულის წარმოქმნას ხელს უწყობს: ჰიგიენის წესების დაუცველობა, იმუნიტეტის დაქვეითება და ა.შ.
როგორც მოგვითხრობთ ჩაიტარეთ ლაბორატორიული კვლევა და შაქრიანი დიაბეტი გამოირიცხა.
დამატებით საჭიროა ბიოლოგიური მასალის ლაბორატორიული კვლევა და იდენტიფიცირებული მიკრობის ( სტაფილოკოკი,სტრეპტოკოკი ან სხვ.) შესაბამისი ანტიმიკრობული თერაპიის დანიშვნა.
უნდა მიმართოთ დერმატოლოგს ან ინფექციონისტს.
მანამდე კი მოგცემთ ზოგად რეკომენდაციას:
- დაიცავით ჰიგიენა;
- დაბანის დროს ეცადეთ, ფურუნკული არ დასველდეს;
- არ შეეხოთ ფურუნკულს დაუბანელი ხელით;
- არ გაიღიზიანოთ თითების მოჭერით ან ნემსით.
რაც შეეხება რინოპლასტიკას, ვფიქრობთ ინფიცირებული უბნის ლიკვიდირებამდე სასურველი არაა ოპერაციის ჩატარება, თუმცა ცხადია, აღნიშულ საკითხზე უნდა გაესაუბროთ თქვენს ოტო–რინო–ლარინგოლოგს.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/23
გმადლობთ, რომ ენდობით ჩვენს კლინიკას, გისურვებთ ჯანმრთელობას!
გამოაგზავნეთ შეკითხვა
