ჯიბერის ვარდისფერი პიტირიაზი - დერმატოლოგია

მოგესალმებით,
თქვენთვის განკუთვნილ პასუხში იხილავთ შესაბამის ინფორმაციას:

• რა არის ჯიბერის დაავადება;
• მისი ხელშემწყობი ფაქტორები;
• ჯიბერის დაავადების მკურნალობის ხანგრძლივობა.

ჯიბერის ვარდისფერი პიტირიაზი არის კანის ინფექციურ–ალერგიული დაავადება, რომელიც უმთავრესად კანის ზედაპირულ, რქოვანა შრეს აზიანებს.
დაავადება ქრონიკულად მიმდინარეობს და მწვავე მოვლენები არ ახასიათებს. მისი ძირითადი სიმპტომი მცირე ზომის (დაახლოებით ერთთეთრიანის ოდენა) მომრგვალო, მკვეთრ საზღვრებიანი ლაქებია, რომლებიც ზოგჯერ იქერცლება, ზოგჯერ კი შეერთების ტენდენციას ამჟღავნებს.
გამონაყარი უმთავრესად ტანის ზედა ნაწილზე – მხრებზე, გულმკერდზე, კისერსა და ზურგზე ჩნდება. როგორც წესი, იგი არ არის გადამდები და თვითგანკურნებადია.
მისი ხელშემწყობი ფაქტორები მაღალი ტემპერატურა და ოფლიანობაა. ამავე ნუსხას შეგვიძლია მივაკუთვნოთ:

• გარემოს მაღალი ტენიანობა;
• ფარისებრი ჯირკვლის უკმარისობა;
• კანის ბარიერული ფუნქციის დარღვევა;
• მალნუტრიცია (არასრულფასოვანი კვება);
• სინთეზური ქსოვილის სამოსის რეგულარული ტარება.

მკურნალობის ხანგრძლივობა გამონაყარის ფართობზეა დამოკიდებული, საშუალოდ 3-4 კვირა გრძელდება და უმეტესად ეფექტურია. თუ დაზიანების კერები დიდი არ არის, ადგილობრივი საშუალებების დახმარებით გამონაყარი მთლიანად ალაგდება.
გირჩევთ, კვლავინდებურად მიმართოთ დერმატოლოგს, რომელიც მოგცემთ შესაბამის რეკომენდაციას,
აღნიშნული სპეციალისტი არ გვყავს ცენტრში, ამიტომ ჩვენ ვერ დაგეხმარებით.

• ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/shekitxva-eqims/dermatologia/23

გმადლობთ, რომ ენდობით ჩვენს კლინიკას, გისურვებთ ჯანმრთელობას!