კოლიტი - გასტროენტეროლოგია

მოგესალმებით,
მიმოწერის რეჟიმში ზუსტი დიაგნოსტირება, რა თქმა უნდა შეუძლებელია, თუმცა ვფიქრობთ, რომ თქვენი ჩივილების გამომწვევია კოლიტი.
ეს არის მსხვილი ნაწლავის ანთება, რომელიც ლორწოვანის დამცავი ფუნქციის დასუსტებით არის გამოწვეული.
განასხვავებენ კოლიტის მწვავე და ქრონიკულ ფორმებს.
მწვავე კოლიტისათვის დამახასიათებელია:

• სპაზმური ხასიათის ტკივილი მუცელში;
• ფაღარათი;
• ზოგადი სისუსტე;
• განავალი თხიერია ზოგჯერ სისხლის და ლორწოს მინარევით.

ქრონიკული კოლიტი წარმოადგენს კუჭ–ნაწლავის ტრაქტის ყველაზე ხშირ პათოლოგიას, რომელიც შერწყმულია წვრილი ნაწლავისა და კუჭის ლორწოვანი გარსის ანთებასთან. ის შეიძლება იყოს:

• ინფექციური წარმოშობის;
• არაინფექციური წარმოშობის.

ეროზიების ან წლულების გაჩენას კი ახასიათებს:

• საერთო სისუსტე;
• დეფეკაციის დარღვევა;
• ფაღარათის და შეკრულობის მონაცვლეობა;
• ტკივილი მუცლის სხვადასვა მიდამოში;
• მეტეორიზმი;
• ტენეზმები დეფეკაციის შემდეგ.
• ნაწლავის არასრულყოფილად დაცლის შეგრძნება;
• დეფეკაციის ცრუ სურვილები, რასაც თან ახლავს გაზების და ცალკეული განავლოვანი მასების გამოყოფა.

მნიშვნელოვანია, გატარდეს დიფერენციული დიაგნოსტიკა სხვა დაავადებებთან, რადგან ძალიან ხშირად სხვადასხვა დაავადების სიმპტომები ჰგავს ერთმანეთს.
დროულად ექიმთან მიმართვის და სათანადო მკურნალობის ჩატარების შემთხვევაში – პროგნოზი კეთილსაიმედოა.
არანაკლებ მნიშვნელოვანია ცხოვრების ჯანსაღი წესის დამკვიდრება და კვების რაციონის მოწესრიგება.
თქვენ შემთხვევაში, გირჩევთ მიმართოთ გასტროენტეროლოგს, რომელიც ობიექტური შეფასების შემდეგ დაგისვამთ უფრო ზუსტ დიაგნოზს და მოგცემთ შესაბამის მითითებებს.
ამ მიზნით შეგიძლიათ, მობრძანდეთ ჩვენს კლინიკაში, სადაც მაღალკვალიფიციურ ექიმთა გუნდი გაგიწევთ დახმარებას.
გასტროსკოპიით კვლევის საჭიროების შემთხვევაში კი შეგვიძლია, შემოგთავაზოთ სრულ გასტროსკოპიულ კვლევაზე ფასდაკლება, ვრცლად იხილეთ ბმულზე: https://kirurgia.ge/article/31412/gawukhebt-guldzmarva,-kuchis-tkivili--  

სხვა დამატებითი ინფორმაციისთვის შეგიძლიათ, დაგვიკავშირდეთ საკონტაქტო ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!