შეკრულობა - გასტროენტეროლოგია

მოგესალმებით,
ყაბზობა ანუ შეკრულობა არის ნაწლავების დაყოვნებული, გაძნელებული ან არასრული დაცლა.
ჯანმრთელი ადამიანების უმრავლესობას ნაწლავთა მოქმედება, დეფეკაცია, დღე-ღამეში ერთხელ აქვს, თუმცა ზოგ შემთხვევაში ნაწლავთა ორ დღეში ერთხელ დაცლაც შეიძლება ნორმად ჩაითვალოს. ჩვეულებრივ, შეკრულობად მიიჩნევა ნაწლავთა დაცლის შეფერხება 48 საათით და მეტი ხნით. ამრიგად, ეს ცნება შედარებითი და ინდივიდუალურია.
ნაწლავში დაგროვილ სითხეში იწყება დუღილისა და ლპობის პროცესები, რაც ინტოქსიკაციას აძლიერებს. იწყება ცილებისა და ცხიმების დაშლა, ორგანიზმში გროვდება მათი დაშლის პროდუქტები, იწყება აციდოზი, ირღვევა გადავსებული ნაწლავის კედლის გამტარობა, მუცლის ღრუში გროვდება ექსუდატი, რომელიც ინფიცირდება და იწყება პერიტონიტი.
რაც შეეხება კვებას, მოგცემთ რეკომენდაციას:

• დილა დაიწყეთ ქატოს ფაფით (ასტიმულირებს ნაწლავების გამომყოფ ფუნქციას);
• მიირთვით საქონლის, ქათმის, ინდაურის მოხარშული ხორცი;
• კვების რაციონში შეიტანეთ წვნიანი, განსაკუთრებით ჭარხლით დამზადებული;
• მოხარშული კვერცხი;
• რძის პროდუქტი;
• კომბოსტო (ნებისმიერი ტიპის);
• სტაფილო;
• კიტრი;
• ვაშლი;
• ანანასი.

აკრძალულია:

• მოხარშული კარტოფილი;
• ორცხობილა;
• პურ–ფუნთუშეული;
• ბროწეული;
• ალკოჰოლური და გაზიანი სასმელები;
• მაგარი ჩაი და ყავა;
• კომში;
• მდოგვი;
• წიწაკა;
• სოკო.

და ბოლოს, გაითვალისწინეთ, ფეხით სიარული და აქტივობა შეკრულობის სამკურნალო კომპლექსის წამყვანი კომპონენტია.
მიმოწერის რეჟიმში მედიკამენტზე შეგვიძლია მხოლოდ ის გითხრათ, რომ საჭიროა მონელების ხელშემწყობი ფერმენტული პრეპარატები.
ჯანმრთელობის მდგომარეობის გართულების თავიდან აცილების მიზნით, გირჩევთ, მომართოთ ჩვენს კლინიკაში გასტროენტეროლოგს.
გასტროსკოპიული კვლევის საჭიროების შემთხვევაში, შემოგთავაზებთ ფასდაკლებას, ვრცლად იხილეთ ბმულზე: https://kirurgia.ge/article/31412/gawukhebt-guldzmarva,-kuchis-tkivili-- 

სხვა დამატებითი ინფორმაციის მისაღებად დაგვიკავშირდით, საკონტაქტო ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!