კითხვა: გამარჯობა, ვარ 30 წლის.ხშირად მაქვს გულმკერდში სხვადასხვა სახის ტკივილი.უმეტესად გამჭოლი(აი დანა რომ გაგისვან გულზე) ძლიერი ტკივილი რომელიც გრძელდება წამები მაგრამ დაახლოვებით 30წუთის შიგნით რამოდენიმეჯერ მეორდება სული მეკვრება მაგ დროს და ტკივილი რომ გადამდის მთელ სხეულში მახურებს და სახეზე სიწითლე დამკრავს ტკივილის გამო. გული მიფარფალებს და ცოტა რო დამშვიდდება გული, ვსუნთქავ მძიმედ....ძალიან სუსტად ვარ მთელი დღის განმავლობაში სულ მეძინება.... ხშირად მაქვს მაღალი წნევაც 110-70 ვატარებ მაგრამ ეხლა მომიხშირდა 130-90 და 140-100 ზოგჯერ 150-110ზეც მქონია დამაკვალიანეთ რომელ ექიმს მივმართო.მადლობა
პასუხი:
მოგესალმებით,
მოგახსენებთ, რომ ტკივილი გულმკერდის არეში საკმაოდ გავრცელებული ჩივილია. გულის კუნთის სისხლით მომარაგების გაუარესება ანუ იშემია, რაც მიოკარდიუმის ინფარქტისა და სტენოკარდიის დროს ვითარდება, ტკივილის ხშირი მიზეზია.
გულმკერდში ტკივილი გულის კუნთის და პერანგის (პერიკარდიუმი) ანთებამაც შეიძლება გამოიწვიოს.
ასევე ხშირია ფილტვების, კუჭ-ნაწლავის, ძვალ–კუნთოვანი და ნერვული სისტემის დაავადებებით გამოწვეული და ფსიქიატრიული გენეზის ტკივილი, რომელიც გულმკერდის სხვადასხვა ნაწილში ლოკალიზდება.
ზუსტი დიაგნოსტირებისათვის, საჭიროა არამარტო ტკივილის ხასიათის გათვალისწინება და სწორი ინტერპრეტაცია, არამედ საკმაოდ გულდასმითი გამოკვლევა.
სწორედ ამიტომ, აუცილებელია პირველ რიგში გაიაროთ კონსულტაცია კარდიოლოგთან, რომელიც ანამნეზის შეკრების შემდეგ, დაგინიშნავთ საჭირო კლინიკურ–ლაბორატორიულ კვლევებს, დასვამს დიაგნოზს და შეგირჩევთ მკურნალობის კურსს.
კლინიკის აქციის ფარგლებში, შემოგთავაზებთ სრულ კარდიოლოგიურ კვლევაზე ფასდაკლებას, ვრცლად იხილეთ ბმულზე: https://kirurgia.ge/article/31406/gul%E2%80%93siskhldzarghvta-patologiebis--droulad-gamovlenis,-profilaqtikisa-da-mkurnalobis-miznit-chaitaret-umnishvnelovanesi-kvlevebi-mkholod-65-larad
● ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/22
დამატებითი ინფორმაციისათვის და ჩასაწერად, დაგვიკავშირდით საკონტაქტო ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას !
გამოაგზავნეთ შეკითხვა
