კითხვა: გამარჯობა, შემთხვევით აღმოვჩნდი სკრინიკ ცენტრში და გადავიღე ფარისებრის ეხო, აღმომაჩნდა კვანძი, ჩემი დიაგნოზია: მარცხნივ ქვედა მესამედში ისახება, კვანძი ზომით 1,2-0,7სმ, აქვე ისახება 0,2სმ იანი კვანძი ჰიპოექოგენური სტრუქტ. კერა.მარჯვნივ ისახება კვანძი ზომით ქვედა პოლუსთან,ექსტრათირეოიდულადმკაფიო კონტურებიანი, მკვეთრად დაქვეითებული ექოგენურობაის კვანძი ზომით 1.0-0,4სმ მარჯვენა წილისა და ყელაკის საზღვარზე ექსტრათირეოდულად ისახება კვანძი ზომით 0,5-0,2.მარჯვენა წილი ზომით 5,04-1,50-1,37სმ.მარცხენა წილი ზომით 4,91-1,134-1,09სმ. ყელი ზომით 0,4სმ.არანაირი პრობლემა არ მაკვს ანალიზებში არც tSh შიც ნომაში მაკვს. გთხოვთ მირჩიოდ რამე ეს საოპერაციო არის თუ არა ვარ 30 წლის, თუ ხდება მედიკამენტებით კვანძი გაწოვა?მადლობა წინასწარ. ბიოფსიაც გავიკეთე 3A ადენომატოზური ჰიპერპლაზია.
პასუხი:
მოგესალმებით,
ადენომატოზური ჰიპერპლაზია იგივე ფარისებრი ჯირკვლის კოლოიდი, ვლინდება როგორც დომინანტური კვანძი. ხშირ შემთხვევაში არ ფუნქციონირებს და არ გააჩნია კაფსულა.
მნიშვნელოვანია ექიმ–ენდოკრინოლოგის რეკომენდაციები, კვანძზე დაკვირვება და მისი ზომების შეფასება, რაც განმეორებითი ულტრაბგერითი კვლევებით ხდება.
ამ ეტაპზე, კვანძების ზომებით თუ ვიმსჯელებთ, არ საჭიროებთ ოპერირებას, თუმცა როგორც მოგახსენეთ, საჭიროა დინამიკური მეთვალყურეობა ექიმთან.
მიმართეთ თქვენს მკურნალ ექიმს, ალტერნატიული აზრის მოსასმენად კი, შეგიძლიათ მობრძანდეთ ჩვენს კლინიკაში, ობიექტური შეფასების შემდეგ, დაგენიშნებათ საჭირო ლაბორატორიულ–კლინიკული კვლევები და ექიმი–ენდოკრინოლოგი შეგირჩევთ ინდივიდუალური მკურნალობის მეთოდს.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/shekitxva-eqims/endokrinologia/30
სხვა დამატებითი ინფორმაციის მისაღებად დაგვიკავშირდით, საკონტაქტო ნომერზე 577119 119 ან 2 02 25 25.
გმადლობთ, რომ გვენდობით, გისურვებთ ჯანმრთელობას!
გამოაგზავნეთ შეკითხვა
