კითხვა: გამარჯობათ.მაინტერესებს ესკორონა ვირუსი სანამ შეგვეყარა რაიმე იმუნიტეტის გამაძლიერებელი მედიკამენტი მირჩიეთ,რომელი მივცეთ ახალგაზრდებს?
პასუხი:
მოგესალმებით,
თქვენთვის განკუთვნილ პასუხში, გაეცნობით შემდეგ ინფორმაციას:
- რა არის კორონავირუსი;
- კორონავირუსის შტამები;
- კორონავირუსის დიაგნოსტირება;
- როგორ დავიცვათ თავი კორონავირუსისაგან – რეკომენდაცია.
კორონავირუსი (COVID-19)– სახელი მისი მორფოლოგიიდან გამომდინარეობს და წარმოადგენს ვირუსების ოჯახს, რომელიც ადამიანებსა და ცხოველებში იწვევს ზედა სასუნთქი გზების ინფექციებს.
კორონა 60-იან წლებში აღმოაჩინეს და მას შემდეგ 7 შტამია აღმოჩენილი.
ძირითად შემთხვევებში, იგი არაფრით განსხვავდება ჩვეულებრივი გრიპისა ან რინიტისგან.
კორონავირუსი, მოცულობით ყველაზე დიდი რნმ ვირუსია (26 – 32 კმ).
ვირუსი ჰაერწვეთოვანი გზით გადაეცემა, იგი არ იწვევს მძიმე სიმპტომებს ადრეულ ეტაპზე, ამიტომ მისი ამოცნობა რამდენადმე რთულდება და დიაგნოსტირება შესაძლებელია მხოლოდ კლინიკურ–ლაბორატორიული კვლევებით.
COVID-19–ის ანტივირუსული ვაქცინა ჯერ-ჯერობით არ არსებობს. მკურნალობა სიმპტომურია.
საბედნიეროდ, საქართველოში შემთხვევათა მინიმალური რაოდენობაა დაფიქსირებული.
ინფექციის გავრცელების თავიდან ასაცილებლად მოგცემთ რამდენიმე სტანდარტულ რეკომენდაციას:
- მიიღეთ საჭირო რაოდენობით სითხე (1,5-2ლ);
- დაისვენეთ;
- დაიცავით ჰიგიენის ნორმები;
- მოერიდეთ ინფექციის მქონე ადამიანებთან კონტაქტს;
- მოერიდეთ ხალმხრავალ ადგილებს;
- თავი აარიდეთ დაუცველ კონტაქტს გარეულ და ქუჩის ცხოველებთან;
- მოერიდეთ ცხოველურ პროდუქტებს, იგულისხმება თერმულად არასაკმარისად დამუშავებული ხორცი;
- ხშირად დაიბანეთ ხელები საპნითა და წყლით მინიმუმ 20 წამის განმავლობაში, ხოლო მათზე ხელმისაწვდომობის არქონის შემთხვევაში გამოიყენეთ ალკოჰოლის შემცველი სადენზიფექციო საშუალება;
- ატარეთ პირბადე.
შეგახსენებთ, რომ საქართველოში, ჯერჯერობით კორონავირუსის ეპიდემიის გამოცხადების საფუძველი არ არსებობს.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/shekitxva-eqims/infeqciuri-sneulebebi/51
ქირურგიის ეროვნული ცენტრის სახელით გისურვებთ ჯანმრთელობას!
გამოაგზავნეთ შეკითხვა
