კითხვა: გამარჟობა. ხშირად ვსარგებლობ თქვენი კონსულტაციით და უღრმესი მადლობა :) კითხვა მაქვ მამოლოგთან. ჩემი ზოგადი კლინიკური სურათი ასეთია. ვარ 33 წლის დაოჯახებული 2 შვილით. ძუძუთი კვება თითო თვე თითო ბავშვს. მეტი ვერ. 5 წლის წინ მარჯვენა მკერდზე მქონდა კვანძი და ჰორმონით და გელით მოხდა გაწოვა. იმის შემდეგ გამუდმებით ვიმოწმებ. ბოლოს 4 თვის წინ გავიკეთე ეხო და ლიმფური კვანძი მქონდა გადიდებული ნორმის ფარგლებში მარცხენა იღლიის ქვეშ. კვანძები არ იყო. ეხლა ისევ გავიკეთე, ლიმფური კვანძის სიდიდე 0.84-0.69-0.41 სმ-ია და 2 კვანძია მარცხენა ძუძუზე 0.57-0.65 სმ ზომის, ჰიპოექოგენური ოვალური და მრგვალი ფორმის სწორკიდეებანი მკაფიო კონტურებით. დასკვნა: სინოგრაფიული ნიშნებით: მარცხენა ძუძუს მასტოფათია, კეროვანი დაზიანებებით. მაქვს გასტრიტი დიეტიების გამო და ნაღვლის ბუშტის ანთება. ცოტა ნერვოზიც და საკვერცხის უმნიშვნელო კისტები (როგორც მითხრეს უმნიშვნელოაო). რას მეტყვით და რასთან შეიძლება ამ მონაყოლით საქმე გვქონდეს? რამდენად სერიოზულია ჩემი ამბავი. ექიმთან ვიზიტს და ა.შ რათქმაუნდა ვაპირებ. მადლობა წინასწარ :)
პასუხი:
მოგესალმებით,
მამოგრაფიული კვლევისა და დასკვნის მიხედვით, საქმე ეხება მასტოპათიას, რომელიც სარძევე ჯირკვლის კეთილთვისებიანი დაავადებაა. თავისთავად საშიში არ გახლავთ, მაგრამ ზრდის კიბოს ჩამოყალიბების რისკს. ზოგადად, მასტოპათიით დაავადებულ ქალბატონებს წარმონაქმნის ავთვისებიანი გადაგვარების ალბათობა ხუთჯერ მეტი აქვთ.
რაც შეეხება კვანძოვან მასტოპათიას – ამ დროს ჯირკვლის ქსოვილში ერთეული ან მრავლობითი სხვადასხვა ზომის კვანძი წარმოიქმნება, რომელთაც ხელითაც იოლად აღმოაჩენთ.
მიმოწერის რეჟიმში ერთადერთი , რაც შეგვიძლია გირჩიოთ, ისაა, რომ მიმართოთ შესაბამის სპეციალისტებს.
ჩვენი კლინიკის შესახებ ინფორმირებული ბრძანდებით, თუმცა შესახსენებთ, რომ „ქირურგიის ეროვნული ცენტრი“ მრავალპროფილური კლინიკაა რომელიც დაკომპლექტებულია მაღალკვალიფიციური ექიმებით და ულტრათანამედროვე აპარატურით. შესაბამისად, სურვილის შემთხვევაში შეგიძლიათ, კონსულტაცია გაიაროთ ჩვენს კლინიკაში თქვენთვის სასურველ ნებისმიერ ექიმთან.
სხვა შემთხვევაში ელექტრონული მიმოწერის რეჟიმში და დისტანციურად რეკომენდაციების მოცემას ვერ გავაგრძელებთ.
ქირურგიის ეროვნული ცენტრის სახელით გისურვებთ ჯანმრთელობას !
გამოაგზავნეთ შეკითხვა
