კითხვა: ექიმო მოგესალმებით. თქვენთან მაქვს შეკითხვა- ჩემი მეუღლე 67 წლისაა. გადაიტანა მსუბუქი ფორმის ინსულტი, გაჟონვის გარეშე. მხოლოდ მეტყველება უჭირს. თუმცა ახლა სხვა პრობლემა აქვს. იშვიათად, მაგრამ მწვავედ აქვს მუცლის ქვედა ნაწილიდან გამომავალი ტკივილი საზარდულთან, ზოგჯერ ეს ტკივილი ბარძაყს გადაეცემა , ბოლოს ვენაში გაუკეთეს გამაუჩებელი ნემსი, მაგანაც არ გაუყიჩა. ტკივილი გრძელდება თითქმის ნახევარი დღე. მერე თანდათან გაუვლის. ნევროლოგმა გენეტიკურს მიაწერა. გთხოვთ მირჩიოთ ვის მივმართოთ დიაგნოზის დასადგენად და მკურნალობისთვის.
პასუხი:
მოგესალმებით,
საზარდულის ტკივილის ყველაზე ხშირი გამომწვევი მიზეზი კუნთის, იოგის ან მყესის დაჭიმვაა.
საზარდულის ტკივილი შესაძლოა ტრავმის შემდეგ დაიწყოს, ან თანდათანობით განვითარდეს კვირების ან თვეების განმავლობაში.
ასევე, შესაძლოა მიზეზი იყოს:
- საზარდულის თიაქარი;
- კენჭები თირკმელში;
- ოსტეოართრიტი;
- თეძოს ნერვის ანთება;
- მენჯ-ბარძაყის სახსრის კოქსართროზი;
- მასები სათესლე პარკში;
- სპერმატოცელე (სითხე სათესლე ჯირკვალში);
- საშარდე გზების ინფექცია და ა.შ.
დისტანციურად რა თქმა უნდა, ზუსტ დიაგნოზს ვერ დავსვამთ, ამიტომ შემოგთავაზებთ უფასო კონსულტაციას ტრავმატოლოგთან, სადაც შეიკრიბება ანამნეზი, ჩაუტარდება თქვენს მეუღლეს კლინიკურ-ლაბორატორიული კვლევები და დაენიშნება შესაბამისი მკურნალობა.
კვლევის პროცესში შესაძლოა, საჭირო გახდეს ხერხემლის და მენჯ-ბარძაყის სახსრის რადიოლოგიური კვლევები.
- ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/27
ტრავმატოლოგის უფასო საკონსულტაციო დღეებია ხუთშაბათი და შაბათი, აუცილებელია წინასწარ ჩაწერა ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას!
გამოაგზავნეთ შეკითხვა
