რას ფიქრობენ ენდოკრინოლოგები ლეღვზე, მიაკუთვნებენ თუ არა მას სასარგებლო ხილს?

მდიდარია სხვადასხვა ვიტამინითა და მინერალით, უჯრედისით, საკვები ბოჭკოთი, ძლიერი ანტიოქსიდანტია, შეიცავს ნაკლებ ცხიმს.

ლეღვის შემადგენლობაშია პრებიოტიკები, რომლებიც ხელს უწყობენ ნაწლავის მიკროფლორის ნორმალურ ზრდა–განვითარებას და შესაბამისად, ეს ხილი სასარგებლოა საკვების მონელების პროცესისთვის და გვიცავს ყაბზობისგან.

გვესაუბრება ქირურგიის ეროვნული ცენტრის კლინიკა „ახალი სიცოცხლის“ ენდოკრინოლოგი ანა მამასახლისი.

ლეღვი შეიცავს შემდეგ მინერალებსა და ვიტამინებს:

• კალციუმს;
• რკინას;
• მაგნიუმს;
• თუთიას;
• სპილენძს;
• მანგანუმს;
• სელენიუმს;
• A ვიტამინს;
• C ვიტამინს;
• K ვიტამინს;
• B ჯგუფის ვიტამინებს (B1, B2 , B6). 

მეცნიერთა აზრით, ლეღვი კვებავს კანს, ატენიანებს თმას. სწორედ ამიტომ ძალიან ხშირად ლეღვი ბევრი შამპუნისა თუ ნიღბის ძირითადი შემადგენელი ინგრედიენტია.

ლეღვის უარყოფითი თვისებები

დადებითთან ერთად სამართლიანი იქნება აღვნიშნოთ უარყოფითი თვისებებიც.

ლეღვმა შეიძლება გამოიწვიოს ალერგიული რეაქცია, რაც რასაკვირველია, ინდივიდუალური პრობლემაა.

შეიძლება გახდეს ფაღარათის მიზეზი და ამ შემთხვევაში დიდი რაოდენობით  არ უნდა მიირთვათ.

აქვს საშუალო გლიკემიური ინდექსი, რაც მის სიტკბოს განსაზღვრავს და სწორედ ამიტომ არაა რეკომენდებული შაქრიანი დიაბეტის მქონე პაციენტებისთვის, მაგრამ დასაშვებია არტერიული ჰიპერტენზიის დროს.

კალიუმის მაღალი შემცველობის გამო არაა მიზანშეწონილი თირკმლის უკმარისობის დროს.

გისურვებთ ჯანმრთელობას!