კარდიოფობია, მენოპაუზა - კარდიოლოგია

მოგესალმებით,
გულის ნევროზი, იგივე კარდიოფობია, ხშირად დაკავშირებულია შემდეგ სიმპტომებთან:

• ნერვულ-ემოციური სტრესი;
• გადაღლა;
• აღელვება;
• ქრონიკული ინფექცია;
• ჰორმონული დარღვევები.

ასევე გარკვეულ როლს ასრულებს მემკვიდრეობითი ფაქტორიც.
პაციენტს ამ დროს გამოხატული აქვს ზოგადი ხასიათის ჩივილები. ამასთანავე, დაავადებისთვის დამახასიათებელია ტკივილი, რომელიც უპირატესად აღინიშნება გულის არეში. ასევე, ხშირად აღენიშნება:

• გულის ფრიალი;
• ოფლიანობა;
• ფიზიკური სისუსტე;
• დაღლილობის შეგრძნება და ა.შ.

რაც შეეხება მენოპაუზას, ეს ის პერიოდია, როდესაც საკვერცხეების ბიოლოგიური სიცოცხლე დასასრულს უახლოვდება, ამის კვალობაზე, მცირდება ჰორმონების გამომუშავება, კვერცხუჯრედის მომწიფება უფრო და უფრო იშვიათდება, რაც არარეგულარული მენსტრუალური ციკლით ვლინდება და ადრე თუ გვიან დგება დრო, როდესაც საკვერცხეების ფუნქციონირება წყდება.
მენოპაუზით განპირობებული ჰორმონული ცვლილებები შესაძლოა ფსიქოვეგეტატიური დარღვევების მიზეზად იქცეს.
მენოპაუზასთან დაკავშირებული მძიმე დარღვევების თავიდან აცილება სამი ძირითადი მექანიზმით არის შესაძლებელი. ესენია:

• ჰორმონების დეფიციტის შევსება;
• ჯანსაღი, დაბალანსებული კვება;
• საკმარისი ფიზიკური აქტივობა.

კვების რაციონი სიმსუქნის თავიდან აცილებასაც უნდა ისახავდეს მიზნად, ვინაიდან ცხიმის ყოველი ზედმეტი კილოგრამი, რომელიც მუცლის არეში გროვდება, ზრდის მენჯის ფუძის კუნთებზე დატვირთვას და, შესაბამისად, შარდის ბუშტის ფუნქციის მოშლის ალბათობას.
ზუსტი დიაგნოსტირება, მიმოწერის რეჟიმში რა თქმა უნდა შეუძლებელია. ამიტომ გირჩევთ, მიმართოთ შესაბამის სპეციალისტებს, კარდიოლოგსა და გინეკოლოგს.
შეგიძლიათ, ამ მიზნით მომართოთ ჩვენს კლინიკას, სადაც მაღალკვალიფიციურ ექიმთა გუნდი გაგიწევთ დახმარებას და დაგენიშნებათ თქვენზე მორგებული მკურნალობის მეთოდი.
საჭიროების შემთხვევაში,  კვლევებს შემოგთავაზებთ სააქციო ფასებში.

• ანალოგიურ შეკითხვაზე პასუხი შეგიძლიათ იხილოთ ბმულზე: https://kirurgia.ge/29/shekitkhva-eqims/33

სხვა დამატებითი ინფორმაციისათვის დაგვიკავშირდით საკონტაქტო ნომერზე 577 119 119 ან 2 02 25 25.
გმადლობთ, რომ გვენდობით, გისურვებთ ჯანმრთელობას!