ზემო და ქვემო კიდურების დაბუჟება - ნევროლოგია

კითხვა: მაქვს ზედა და ქვედა კიდურების დაბუჟება რის გამოც მეწყება გულის არეში ტკივილი ასევე თავის ეს მდგომარეობა გრძელდება დღისა და ღამის განმავლობაში მაინტერესებს რისგან არის გამოწვეული
პასუხი:

მოგესალმებით,
ოთხივე კიდურის ერთდროულად დაბუჟების შეგრძნება ერთ-ერთი ფართოდ გავრცელებული სიმპტომია.
შესაძლოა, თან ახლდეს სხვა სიმპტომებიც, მაგალითად:

  • ტკივილი;
  • ქავილი;
  • გრძნობის დაკარგვა;
  • კუნთების სისუსტე.

თუ დაბუჟება ძლიერდება მოძრაობის დროს, შეიძლება ეს ნერვის დაზიანების შედეგი იყოს, რისი გამომწვევიც შესაძლოა იყოს:

  • ტრავმა;
  • განმეორებითი მიკროტრავმა;
  • ბაქტერიული ინფექცია;
  • ვირუსული ინფექცია;
  • ტოქსიური ფაქტორები;
  • შაქრიანი დიაბეტი და ა.შ.

ნერვის ასეთ დაზიანებას პერიფერიული ნეიროპათია ეწოდება. სახელწოდება აღნიშნავს, რომ ნერვი ზიანდება არა თავის ან ზურგის ტვინის დონეზე, არამედ - უშუალოდ კიდურში.
თანდაყოლილი დაავადებებით გამოწვეული პერიფერიული ნეიროპათიის სპეციფიკური მკურნალობა არ არსებობს, შეძენილი მიზეზების შემთხვევაში კი, მდგომარეობის გასუმჯობესებლად მკურნალობენ გამომწვევი მიზეზების შესაბამისად.
შეგიძლიათ, მობრძანდეთ ჩვენს კლინიკაში და გაიაროთ ნევროლოგთან და ანგიოლოგთან უფასო კონსულტაცია, რომელიც დაგინიშნავთ საჭირო კვლევებს და შეგირჩევთ მკურნალობის სწორ მიმართულებას.
ნევროლოგთან უფასო კონსულტაციის დღე არის პარასკევი, ხოლო ანგიოლოგთან – ორშაბათი და სამშაბათი, სადაც აუცილებელია წინასწარ ჩაწერა, ნომერზე 577 119 119 ან 2 02 25 25.

გმადლობთ, რომ ენდობით ჩვენს კლინიკას, გისურვებთ ჯანმრთელობას!

გამოაგზავნეთ შეკითხვა