ურთულესი ენდოვასკულური ოპერაცია
რამდენიმე დღის წინ, ქირურგიის ეროვნულ ცენტრში 35 წლის ქალბატონი თავის ტვინის ანევრიზმით შემოიყვანეს. პაციენტს აღენიშნებოდა დეზორიენტაცია და ფსიქომოტორული აგზნება.
ჩატარებული კომპიუტერული ტომოგრაფიით თავის ტვინში სისხლჩაქცევა დაფიქსირდა. ამის შემდეგ, კვლავ ჩატარდა კტ კვლევა სისხლძარღვოვან რეჟიმში, რამაც თავის ტვინში საკმაოდ დიდი ზომის პარკისებური ანევრიზმა გამოავლინა. დაწვრილებით ოპერაციის რისკებსა და შედეგზე ქირურგიის ეროვნული ცენტრის ნეიროქირურგიის მიმართულების ხელმძღვანელი გიორგი ეგუტიძე გვესაუბრება:
ოპერირებამდე ჩატარებულმა კვლევებმა გვიჩვენა, რომ პაციენტს თავის ტვინში დიდი ზომის პარკისებური ანევრიზმა ჰქონდა. ეს იმას ნიშნავს, რომ ანევრიზმიდან დამატებითი მაგისტრალური სისხლძარღვი გამოდიოდა, რაც ტექნიკურად ძალიან ართულებდა ოპერაციას. ეს მდგომარეობა, ოპერაციის შემდეგ, პაციენტში, იშემიური ინსულტის განვითარების რისკებს საკმაოდ ზრდიდა. ასევე არსებობდა საშიშროება, ოპერაციის მიმდინარეობისას, განმეორებით გამსკდარიყო ანევრიზმა და მყისიერად დამდგარიყო ლეტალური შედეგი.
ზოგადად, თავის ტვინის ანევრიზმა სისხლძარღვოვანი პათოლოგიაა, მაგისტრალური სისხლძარღვის პარკისებური გამობერილობა. ის საშიშ დიაგნოზად იმიტომ ითვლება, რომ შემთხვევების 60% სიკვდილიანობას, ან ღრმა ინვალიდიზაციას იწვევს. ასე რომ, ძალიან რთული გადაწყვეტილების წინაშე ვიდექით როგორც ექიმები, ისე ოჯახის წევრები. საბოლოოდ, მოწვეულ კონსილიუმზე, ოჯახთან შეთანხმებით, სასწრაფო ქირურგიული ჩარევა გადაწყდა!
სიმართლე გითხრათ, ემოციური და რთული იყო ოპერაციის დაწყება, რადგან 35 წლის გოგოს ცხოვრება საოპერაციო მაგიდაზე გადიოდა. თუმცა, ყველაფერმა წარმატებით ჩაიარა და ანევრიზმაც სრულად გამოითიშა!
ქირურგიული ჩარევის შემდეგ, პაციენტს პოსტოპერაციული დეფიციტი და გართულება არ აღენიშნება, კარგად გრძნობს თავს. ჩვენს კლინიკაში გაატარებს ოთხ დღეს, რის შემდეგაც რეაბილიტაციის პროცესსა და მკურნალობის კურსს სახლში განაგრძობს. რა თქმა უნდა, უბედნიერესია მისი ოჯახი და ჩვენი კლინიკის სამედიცინო პერსონალი კიდევ ერთი ურთულესი ოპერაციის ბედნიერი დასასრულით!
რა აინტერესებთ პაციენტებს
ხერხემლის გამრუდება
კითხვა: გამარჯობა, სულ ცოტა ხნის წინ დეიდაჩემს, დაუდგინეს გულმკერდის ძვლისა და ხერხემლის გამრიდება და რომელი პროფილის ექიმთან გვირჩევთ ვიზიტს? ნეიროქირურგთან თუ ორთოპედთან?
ჰიდროცეფალია, სკოლიოზი
კითხვა: გამარჯობათ!21 წლის გოგოს აქვს იოლი ფორმის ჰიდროცეფალია.რა წამალი შეიძლება მიიღოს რეგულარულად ან დღეგამოშვებით?აქვს მეორე ხარისხის სკოლიოზი.რა ტიპის მასაჟებია შესაძლებელი და თუა მიზანშეწონილი მანულო თერაპია ამ ორი დაავადების დროს?
ხერხემლის პრობლემა
კითხვა: გამარჯობა. მაქვს ხერხემლის პრობლემა მეხუთე მალაზე მაქვს წანაზარდი მარჯვენა ფეხზე სისუსტე ორი თვეა რაც მუხლი მაწუხებს ერთი კვირაა რაც ტკივილი გაუარესდა და შესშუპება დაიწყო მირჩიეთ რამე.
ოსტეოართროზი
კითხვა: გამარჯობათ! მყავს 82 წლის დედა რომელსაც ძალია აწუხებს წელი ურო სწორად წელის ცოტა ზევის გადაცემითი ტკივილები აქვს, ისეთი საშინელი რომ ხან ვერ ინძრევა ლოგინში ისე ტკივა, დავაწვინე სავადმყოფოში შევიყვანე წელის ტკივილით და დააწვინეს კარდიოლოგიურში, აღმოVნდა რომ სხვა რაგაცეების პრომლემაც აქვს, წელისთვის უკეთებენ გამაყუჩებლებსმ არ შეიძლება სხვა განყოფილებაში გადაი ყვანონ, უმკურნალონ ჯერ წელს და შემდეგ ახალ აღმოჩენილ პრობლემებს? ვეღარ უძლებს ამ ტკივილს, რა შეიძლება იწვევდეს ამ ტკივილს მესამე კვირაა შაშინელი ტკივილები აქვს მანამდეც ტკიოდა ცოტათი რაც პერიოდულად უვლიდა, ეხლა საშინელი ტკივილები აქვს, აღმოაჩნდა ეხლა ანემია და ფილტვზე პატარა შეგუბებაო ექიმმა, მადლობა, ომედია ეხლა წაიკითხება
კისრის ოსტეოქონდროზი
კითხვა: გამარჯობა.მაქვს კისრის მალთა შუა თიაქარი მჭირდება ოპერაცია.ამჟამად არ ვიმყოფები საქართველოში.მაიში მინდა გავიკეთო და მაინტერესებს რამდენად რთული ოპერაციაა და რამდენხანში შევძლებ მუშაობას?
ზურგის ტვინის დაზიანება
კითხვა: გამარჯობათ. მაქვს მეცხრემალა დაზიანებული გავიკეთე ოპერაცია . 6 თვის წინ მაქვს ნერვი დაზიანებული წყვეტა არმაქვს. ვგზნობ დარტყმას ფეხებზე ვგზნობ ტკივილებ ორივე ფეხზე მაქვს და თავისით მოზრაობს ფეხები რაშეზლება რო გავაკეთო რო ტვინმა დროზე აგითქვას წინასწარ მადლობთ
