პროსტატის კიბოს მსოფლიო დღე

პროსტატის კიბოს მსოფლიო დღე ყოველწლიურად, 17 ნოემბერს აღინიშნება და მისი უმთავრესი მიზანი ონკოპაციენტებისა და პოტენციური პაციენტების ინფორმირებულობაა. სამწუხარო სტატისტიკაზე დაყრდნობით, ყოველ რვა მამაკაცში ერთს, აუცილებლად ექნება პროსტატის კიბო.

გავრცელების თვალსაზრისით, 2020 წელს, პროსტატის კიბო მესამე ადგილს იკავებდა ძუძუსა და ფილტვის კიბოს შემდეგ. იგი, მსოფლიოში დაფიქსირებული ონკოშემთხვევებიდან,1,414,259 (7.3%)-ში დადგინდა. ამ პაციენტებიდან 375,304 მამაკაცი კი, დაიღუპა. მიმდინარე (2021) წელს, მხოლოდ აშშ-ის მასშტაბით, პროსტატის კიბო თითქმის 250,000 მამაკაცს დაუდასტურდა, რომელთაგან 34 ათასზე მეტი, სამწუხაროდ, უკვე დაიღუპა.

უკვე საყოველთაოდ აღიარებულია, რომ დროული დიაგნოსტირება სწორი მკურნალობის და დაავადების დამარცხების ერთ-ერთი წინაპირობაა. შესაბამისად, ნათლად ჩანს შუახნის ასაკის (40-50 წლის ასაკიდან) მამაკაცებისთვის პროსტატის კიბოს სკრინინგის აუცილებლობა.

სწორედ ამ მიზნით, ქირურგიის ეროვნული ცენტრი 50-70 წლის მამაკაცებს პროსტატის კიბოს სკრინინგს (სპეციფიკური ანტიგენის (PSA) განსაზღვრას) უფასოდ სთავაზობს! კვლევის რეკომენდაციების გასაცნობად, გთხოვთ, ეწვიოთ ბმულს : https://kirurgia.ge/full-article/ras-guliskhmobs-prostatspecifikuri-antigenis-gamokvleva/31537

კვლევის შედეგად აღმოჩენილი დარღვევის შემთხვევაში, დროული მკურნალობა და  სასურველი შედეგის მიღწევა გარანტირებულია.

აქციით სარგებლობისთვის, წინასწარ ჩაეწერეთ ნომერზე (032) 2 02 25 25 ; (+995) 577 119 119.

ქირურგიის ეროვნული ცენტრი გისურვებთ ჯანმრთელობას!