სექტემბერი - პროსტატის კიბოს ცნობიერების ამაღლების თვე

მსოფლიო მასშტაბით პროსტატის კიბოს სტატისტიკა მზარდია და გვიჩვენებს, რომ შუახნის მამაკაცებისთვის (40-50 წლის ასაკიდან) მისი სკრინინგი აუცილებელია! მაგალითად, 2018 წელს, მსოფლიო მამაკაცებიდან მილიონზე მეტს (1,276,106) პროსტატის კიბო დაუდგინდა. ამავე წელს დაფიქსირებული შემთხვევებიდან კი, 358,989 ლეტალური შედეგით დასრულდა.

დღეს არსებული მდგომარეობით, მეცნიერები ამტკიცებენ, რომ სამწუხაროდ, ყოველი რვა მამაკაციდან ერთს აუცილებლად დაემართება პროსტატის კიბო. სიმპტომების გამოვლენის საშუალო ასაკი კი, 65 წელია. 2020 წლის მაჩვენებლის მიხედვით, პროსტატის კიბო მესამე ადგილს იკავებს, ძუძუსა და ფილტვის კიბოს შემდეგ. მსოფლიოში დაფიქსირებული ონკოშემთხვევებიდან, პროსტატის კიბო 1,414,259 (7.3%)-ში დადგინდა. ამ პაციენტებიდან 375,304 მამაკაცი დაიღუპა.

დღეისათვის, მედიცინაში არსებობს სრული თანხმობა იმასთან დაკავშირებით, რომ დაავადების დროული დიაგნოსტირება მისი სწორი მართვის და   დამარცხების საწინდარია . ჩვენ კი ,იმავდროულად  გვსურს, რომ ზემოთხსენებული მზარდი სტატისტიკა შევცვალოთ და ამისათვის საჭიროა, ყველა შუახნის მამაკაცმა  ჩაიტაროს პროსტატის კიბოს სკრინინგი! ამ მიმართულებით, ქირურგიის ეროვნული ცენტრი  50-70 წლის მამაკაცებს სპეციფიკური ანტიგენის (PSA) განსაზღვრას უფასოდ სთავაზობს!

კვლევისწინა რეკომენდაციების გასაცნობად, გთხოვთ, იხილოთ ბმული - რეკომენდაციები. კვლევის შედეგად ნორმიდან გადახრის აღმოჩენის შემთხვევაში, დროული ჩარევითა და სწორად წარმართული მკურნალობით, დამაკმაყოფილებელი შედეგის მიღწევა და ნორმალური ცხოვრების გაგრძელების შესაძლებლობა გარანტირებულია.

თუ რაოდენ მნიშვნელოვანია კიბოს დროული სკრინინგი, ჰიპოკრატეს სიტყვებს დავიმოწმებთ: „აღმოაჩინე წარსული, დაუსვი დიაგნოზი აწმყოს და იწინასწარმეტყველე მომავალი!“

ქირურგიის ეროვნული ცენტრი გისურვებთ ჯანმრთელობას!