თუ წონის დაკლება გსურთ, კიტრისა და პომიდვრის სალათა მიირთვით

ქირურგიის ეროვნული ცენტრის ენდოკრინოლოგი სოფიო ფუტურიძე მკითხველს ყველაზე გემრიელ და ჯანმრთელობისთვის სასარგებლო დიეტას სთავაზობს.

თუ კიტრსა და პომიდორზე ალერგია არ გაქვთ და ამასთან, ზედმეტ წონასთან ბრძოლა გადაწყვიტეთ, მიირთვით ვიტამინებითა და მინერალებით მდიდარი, ამავდროულად დაბალკალორიული და გემრიელი სალათა.

„შეგიძლიათ სალათა შეაზავოთ ქონდარითა და რეჰანით. სალათას ცილით გაამდიდრებთ თუ დაურთავთ დაბალცხიმიან ყველს ან ბარდას. კიტრისა და პომიდვრის სალათის მომზადებისას რეკომენდებულია გამოიყენოთ: წითელი ხახვი, ოხრახუში, კამა, ლიმონის წვენი. დაუშვებელია მაიონეზი ან არაჟანი. მაიონეზი უცხიმო ბერძნული იოგურტით ჩაანაცვლეთ“, – აცხადებს ენდოკრინოლოგი.

გაითვალისწინეთ!

მართალია კიტრი და პომიდორი სასარგებლოა, მაგრამ ეს იმას არ ნიშნავს, რომ მთელი დღის კვების რაციონი მხოლოდ ამ სალათისგან შედგებოდეს. აუცილებელია, რომ დღეში იკვებოთ 4–5–ჯერ და მიირთვათ ცილებითა და ვიტამინებით მდიდარი სხვა პროდუქტებიც. მაქსიმალურად შეზღუდეთ ან უარი თქვით ნახშირწყლებზე. 

გისურვებთ ჯანმრთელობას!